«Шымкент – Өзбекстан шекарасы» тас жолында жол жамылғысында ақау анықталды

«KAZHservice» ЖШС Түркістан облыстық филиалының қызметкерлері автомобиль жолдарының жағдайын бақылау барысында «Шымкент – Өзбекстан Республикасының шекарасы (Жібек жолы)» республикалық маңызы бар KZ13-03 жолының 718-шақырымында Шымкент – Сарыағаш бағытында цемент-бетон жабынының ақауын анықтады Жол қауіпсіздігін қамтамасыз ету және ақаудың одан әрі дамуына жол бермеу мақсатында учаскеде жедел алдын алу жұмыстары ұйымдастырылды. Мамандар жол жабынының жағдайын тексеріп, жолды қалпына келтіру үшін қажетті шараларды қабылдауда Учаскеде тиісті жол белгілері ілініп, қозғалыс қауіпсіздігі жол қызметтерімен қамтамасыз етілген. Жүргізушілерден жылдамдықты шектеуді, уақытша жол белгілерінің талаптарын сақтауды және осы учаскеде жүру кезінде абай болуды сұраймыз «ҚазАвтоЖол» ҰК» АҚ жол қызметтері жаз мезгілінде республикалық маңызы бар жолдардағы цемент-бетон төсемдерін тұрақты түрде қадағалап отыратынын атап өтті. Мұндай алдын алу шаралары ықтимал ақауларды дер кезінде анықтауға, жедел шаралар қабылдауға және жол қозғалысына қатысушылардың қауіпсіз өтуін қамтамасыз етуге мүмкіндік береді Бұған дейін «Батыс Еуропа – Батыс Қытай» халықаралық көлік дәлізінің Тараз – Шымкент автожолының ақылы бөлігінде көлік құралдарының орташа жылдамдығын бұзу фактілері тіркелді