Шуда жан түршігерлік жол апатынан екі адам қаза тапты

8 маусым күні Бішкек-Қара-Балта тас жолында жол апаты болып, екі адам қаза тапты. Шу облысының жол қозғалысы қауіпсіздігі басқармасының хабарлауынша, Kia K5 көлігінің 24 жастағы жүргізушісі жолдың 16-шы шақырымында батыстан шығысқа қарай келе жатып, рульді басқара алмай, ағашты соққан. Оқиға салдарынан жүргізуші мен көліктегі тағы бір 21 жастағы жолаушы оқиға орнында көз жұмды Оқиғаның себебін анықтау мақсатында тиісті сараптамалар тағайындалып, тергеуге дейінгі тексеру шаралары жүргізілуде Әлеуметтік желіде жол апатының видеосы тарап жатыр. Автокөліктің бірнеше бөлікке шашылып жатқанын, ал спидометрдің сағатына 240 шақырымда тоқтағанын көруге болады Соңғы жылдары Қырғызстанда көптеген жол апаттары тіркелді. 14 мамырда Қашқа-Суу ауылынан Бішкек қаласына келе жатқан Honda Torneo көлігі жол жиегінде тұрған 28 жастағы әйелді 6, 4, 2 жастағы балалары мен оның 14 жастағы әпкесімен қағып кетті, бесеуі де қаза тапты. Келіншек алты айлық жүкті болды. Оқиғаға күдікті 22 жастағы жүргізуші қамауға алынды 30 мамырда Бішкек-Ош жолының (ред: Суусамыр) 178-ші шақырымында оңтүстіктен солтүстікке қарай келе жатқан Honda Civic үлгісіндегі жеңіл көліктің 30 жастағы жүргізушісі ұйықтап қалып, қарсы жолақтан келе жатқан Kia K7 көлігімен соқтығысқан. Апат салдарынан отбасы мүшелері, 3, 11 және 13 жастағы балалар және тағы 22 жастағы адам қайтыс болды Ресми мәлімет бойынша, 2025 жылы Қырғызстанда 8456 жол апаты орын алып, 900 адам қаза тапқан. Тағы 12 мың 169 адам зардап шекті. Жол-көлік оқиғасының басты себебі көлікті жылдам жүргізу, қарсы жолаққа шығып кету, ішімдік ішіп, көлік жүргізу және кейбір тас жолдардың талапқа сай келмеуі болып табылады. (BTo)