Солтүстік Қазақстан облысында мал қорымдарын салу кезінде заңбұзушылыққа жол берген төрт әкім жазаланды

ҚР Мемлекеттік қызмет істері агенттігінің облыстық департаментінің хабарлауынша, Қызылжар ауданына қарасты төрт ауылдық округ – Соколов, Рощин, Асанов және Қызылжар ауылдарының әкімдеріне қатысты қызметтік тексеру жүргізілді Оны өткізуге Қызылжар ауданы прокуратурасының материалдары мен аудан әкімдігі аппаратының хаты негіз болды. Тексеру барысында мемлекеттік сатып алу рәсімдерін жүзеге асыру барысында заң талаптары толық сақталмағаны анықталды Өткен жылы үш ауылдық округ әкімдіктері «Әубәкірова» ЖК-мен, тағы бір аудан «Шолпан» АЖ-мен мал қорымдарын орнату және абаттандыру бойынша мемлекеттік сатып алу туралы келісім-шарт жасасқан. Әр келісімшарттың құны 6,8 млн теңгені құрады — Жобалық-сметалық құжаттамаға сәйкес, мал қорымының аумағы зауыттық металл сым кесінділерінен жасалған 3D үлгідегі қоршаумен қоршалуы тиіс болатын. Қоршау 31 бөліктен тұруы және қауіпсіздікті қамтамасыз ету үшін арнайы қорғаныс тосқауылымен жабдықталуы керек еді. Сонымен қатар, нысанда электрлік көтеру құрылғысын орнату қарастырылған. Сметалық есеп бойынша қоршаудың құны 2,7 миллион теңгеден асып, электр лебедкасын орнатуға 158 мың теңге қарастырылды, деп хабарлады Қазақстан Республикасы Мемлекеттік қызмет істері агенттігінің Солтүстік Қазақстан облысы бойынша департаментінің сыбайлас жемқорлықтың алдын алу бөлімінің бас маманы Сұлтанбек Сәкібаев Алайда, 2026 жылдың сәуір айында прокурорлар жүргізген тексеру барысында салынған қорымдардың сметалық құжаттамаға сәйкес келмейтіні анықталды. Жобада қарастырылған арнайы металл қоршаулардың орнына кәдімгі профиль қолданылды. Сонымен қатар, кейбір қондырғылар мүлде орнатылмаған болып шықты «Осыған қарамастан, ауылдық округтердің әкімдері орындалған жұмыстардың актісіне қол қойып, мердігерлерге келісім-шарттарда қарастырылған қаражатты толық көлемде төлеуге келісті.Мемлекеттік қаржының мақсатты және тиімді жұмсалуын қамтамасыз ету мемлекеттік қызметшілердің басты міндеттерінің бірі болып табылады.Тергеу барысында Сұлтанбек Сұлтанбекұлының іс-әрекетінде заң бұзушылық белгілері бар деген қорытындыға келді Әдеп жөніндегі кеңес бұл мәселені қарап, төрт әкімге мемлекеттік қызметтің беделін түсіретін тәртіптік теріс қылық жасағаны үшін қызметтік талаптарды толық орындамағаны туралы ескерту түріндегі тәртіптік жауапкершілікке тартуды ұсынды Бұған дейін Қызылорда облысында 52 мемлекеттік қызметкер тәртіптік жауапкершілікке тартылғанын хабарлаған болатынбыз