Кәрім Мәсімовтің бұрынғы күйеу баласы қырғыз төлқұжаты бар екенін түсіндірді

Халықаралық іздеуде жүрген Кәрім Мәсімовтың бұрынғы күйеу баласы Азамат Қапенов өзінің тумысынан Қырғыз азаматтығы бар екенін мәлімдеді. Сондай-ақ ол 2001 жылы Қазақстан азаматтығын алып, 2015 жылы одан айырылғанын айтты Азамат Қапенов Instagram парақшасында () 1978 жылы Қырғыз КСР-нің Пржевальск (қазіргі Қаракөл) қаласында дүниеге келгенін және тумысынан Қырғызстан азаматы екенін айтты Сондай-ақ ол 2001 жылы Қазақстан азаматтығын алғанын айтты. Оның айтуынша, 2003 жылы «Қазақстан темір жолы» ҰК» АҚ-ға (ҚТЖ) жұмысқа шақырылып, 2003-2015 жылдар аралығында басшылық қызметте болған Ол 2015 жылы Ресей Федерациясына тұрақты тұруға көшуіне байланысты Қазақстан азаматтығынан айырылғанын мәлімдеді. Қапенов елшіліктен азаматтықтан шыққанын растайтын құжаттарды ұсынуға ниетті екенін қосты Азамат Қапенов – «ҚазТемірТранс» АҚ-ның бұрынғы вице-президенті. Бұған дейін ол Ұлттық қауіпсіздік комитетінің бұрынғы басшысы Кәрім Мәсімовтың қызы Тамилла Кәрімге тұрмысқа шыққан Қапенов жүк вагондарын басқару кезінде еншілес компанияларға заңсыз преференциялар жасады деген күдікке ілінді Тергеушілердің мәліметінше, бұл әрекеттердің салдарынан «ҚазТемірТранс» мемлекеттік компаниясына 5,2 млрд теңге көлемінде шығын келген. Қазақстан Қапеновке халықаралық іздеу жариялады. Сонымен қатар, сот оны сырттай қамауға алуға санкция берді