БҰҰ: Әлемде 2 миллиардтан астам адам таза ауыз суға қол жеткізе алмайды

Бішкек, 28.05.26 /Кабар/. Біріккен Ұлттар Ұйымының хабарлауынша, дүние жүзіндегі миллиардтаған адамдар таза ауыз су мен санитарияға қолжетімсіз. Бұл туралы Адам құқықтары жөніндегі кеңес отырысында БҰҰ Адам құқықтары жөніндегі Жоғарғы комиссары Нада Әл-Нашиф мәлімдеді, деп хабарлайды ҚазАқпарат Оның айтуынша, қазіргі таңда әлемде 2 миллиардтан астам адам таза суға қол жеткізе алмайды, ал 3,4 миллиард адам талапқа сай санитарлық жағдайда өмір сүрмейді Біріккен Ұлттар Ұйымының мәліметі бойынша, ластанған су мен санитарияның болмауынан туындаған тырысқақ, диарея және іш сүзегі сияқты жұқпалы аурулардан жыл сайын шамамен 1,4 миллион адам қайтыс болады. Әсіресе, табысы төмен елдерде бұл аурулардан болатын өлім деңгейі дамыған елдерге қарағанда жүздеген есе жоғары Нада Әл-Нашифтің айтуынша, қарулы қақтығыстар да су мәселесін ушықтырады. Сондай-ақ климаттың өзгеруі, ұзаққа созылған құрғақшылық және қатты дауыл су жүйелеріне айтарлықтай зиян келтіруде БҰҰ өкілі бұл мәселе әйелдерге, балаларға, мүгедектерге және кедей аймақтарда тұратын адамдарға көбірек әсер ететінін атап өтті. Мектептердегі санитарлық жағдайдың жоқтығынан көптеген қыздар сабақтан қалуға мәжбүр Ұйым өкілдері таза су адамның негізгі құқығы екенін атап өтіп, елдерді су инфрақұрылымына көбірек инвестиция салуға шақырды. Сондай-ақ халықаралық ұйымдар, азаматтық қоғам және бизнес өкілдері бірлесе жұмыс істеуі керектігі айтылды