Бірыңғай төлем жүйесі: Қызмет түрі көбейді

Елімізде келесі айдың 19-нан бастап бірыңғай төлем жүйесі іске қосылады. Осыған байланысты төлем қабылдауға міндетті қызмет түрлерінің қатары кеңейді. Енді сұлулық салонының мамандары, дизайнерлер, курьерлер мен клининг қызметін көрсететіндер клиенттің қалауына қарай қолма-қол, QR немесе банк картасы арқылы төлем қабылдауы тиіс Бірыңғай төлем жүйесі іске қосылғаннан кейін кез келген банк қосымшасындағы QR арқылы төлем жасауға болады. Ал кәсіпкер төлемді бір құрылғы арқылы қабылдайды. Яғни әр банктің жеке QR-ы мен терминалын пайдаланудың қажеті жоқ. Егер кәсіпкерде POS терминал болса, клиент кез келген банктің картасымен төлем жасай алады. Тұтынушылардың көбі мұндай бірыңғай жүйені қолдап отыр Бұған дейін жаңа талап 14 қызмет түріне қатысты болса, енді оған тағы төрт бағыт қосылды. Олар – пошта және курьерлік қызмет, сұлулық салондары, клининг және дизайнерлік қызмет. Осы салада жұмыс істейтін азаматтар клиентке қолма-қол ақшамен қатар, карта немесе QR арқылы төлем жасау мүмкіндігін ұсынуға міндетті Думан Қансейітов, ҚР ҚМ Мемлекеттік кірістер комитетінің басқарма басшысы: Ал курьерлер сияқты үнемі жолда жүретін азаматтар төлемді банктің мобильді қосымшасы арқылы QR көмегімен қабылдай алады. Дегенмен клиенттің телефоны істемей қалса немесе QR қолдана алмаса, банк картасымен төлеу мүмкіндігі де болуы қажет. Экономистердің пікірінше, жаңа жүйе көлеңкелі экономиканың үлесін азайтып, төлемдердің ашықтығын арттырады. Алайда кейбір кәсіпкерлер тауар мен қызмет құнын 5-6 пайызға көтеруі мүмкін дейді Мақсат Халық, экономист: Төлемді қолма-қол ақшамен немесе такси қызметіндегідей банк картасын қосымшаға тіркеп, автоматты түрде есептен шығару арқылы да жасауға болады. Ал төлем қабылдау құрылғысын пайдаланбаған кәсіпкерлерге алдымен ескерту беріледі. Қайталанған жағдайда 260 мың теңгеге дейін айыппұл салынуы мүмкін. Дегенмен шалғай ауылдарда немесе интернет байланысы нашар жерлерде POS-терминалсыз есеп айырысуға рұқсат етіледі