Жыл басынан бері Қазақстанның мемлекеттік театрларына 600 мыңнан астам көрермен келген

Жыл басынан бері еліміздің мемлекеттік театрларына 611 685 көрермен келген, деп хабарлады Мәдениет және ақпарат министрлігі Бүгінде Қазақстанда 70-тен астам театр бар, оның 59-ы мемлекеттік. Олардың қатарында 11 республикалық және 48 облыстық театрлар бар «Мемлекет басшысы атап өткендей, театрлардың дамуы кез келген елдің мәдениет деңгейінің маңызды көрсеткіштерінің бірі болып табылады.Бүгінгі таңда Қазақстандағы театр өнеріне деген қызығушылық тұрақты жоғары болып қалуда, бұл көрермендер санының өсуі мен жаңа қойылымдарға деген сұраныспен расталады», - делінген хабарламада Жыл басынан бері театрларда 197 жаңа спектакль қойылды, оның 146-сы отандық авторлардың, 47-сі шетелдік драматургтердің шығармалары бойынша Театрлар 106 гастроль өткізді, оның ішінде шетелдік – Ресей, Сингапур және Түркияда. Сондай-ақ отандық ұжымдар Ресей, Испания, Беларусь, Түркия елдерінде өтетін халықаралық фестивальдар мен байқауларға қатысады Осылайша, «Астана Опера» театрының директоры Ыстамбұлда өткен ХІ ТҮРКСОЙ халықаралық театр сыйлығын табыстау рәсімінде «Үздік театр режиссері» номинациясы бойынша жеңімпаз деп танылды. Қалибек Қуанышбаев атындағы Қазақ ұлттық музыкалық-драма театры «Ромео мен Джульетта» спектаклімен Санкт-Петербургте өткен XXVII халықаралық жастар театр фестивалінде «Үздік спектакль» атағына ие болды Биыл Мемлекет басшысы Максим Горький атындағы Мемлекеттік академиялық орыс драма театрына «ұлттық», Сәбит Мұқанов атындағы қазақ музыкалық-драма театрына «академиялық» мәртебе берілгенін жариялады Informburo.kz сайтынан сәйкес тақырыптар бойынша жаңалықтар мен материалдар