3 миллиард доллардан астам инвестиция: Тоқаев Австрия министрлерімен кездесті

Мәртебелі қонақтарды қарсы алған Мемлекет басшысы австриялық іскер делегацияның министрлермен бірге Қазақстанға келуінің маңыздылығын атап өтті – Австрия Үкіметінің екі негізгі министрінің бірлескен сапары екіжақты ынтымақтастыққа қосымша серпін беру тұрғысынан ерекше маңызға ие деп есептеймін. Австрия – Қазақстанның сенімді әрі ежелден келе жатқан стратегиялық серіктесі. Ол біздің экономикаға 3 миллиард доллардан астам инвестиция салды, сонымен бірге өзара сауда да артып келеді. Бұл өте оң үрдіс. Біз Сіздердің Біріккен Ұлттар Ұйымы мен ЕҚЫҰ жанындағы миссияларыңызбен тығыз байланыстамыз және мұндай байланыстар одан әрі дами түседі деп ойлаймын. Австрия, әрине, көп жағынан жоғары дамыған ел. Сондықтан біз қол жеткізген байланыс деңгейін жоғары бағалаймыз және Қазақстанның өңірде сіз үшін маңызды рөл атқара беретініне сенімдіміз. Бүгінгі таңда Австрияның Орталық Азия елдерімен саудасының 80 пайыздан астамы Қазақстанның үлесіне тиеді, - деді Қасым-Жомарт Тоқаев Президент екі елдің мүдделі министрліктері мен ведомстволарының белсенді өзара іс-қимылын құптады. Атап айтқанда, 2026 жылдың 1 мамырынан бастап дипломатиялық паспорт иелері үшін визасыз режим және реадмиссия туралы келісімдер күшіне енді Мемлекет басшысы сондай-ақ заманауи сын-қатерлердің трансшекаралық сипаты артып келе жатқанын атап өтіп, құқық қорғау органдары арасындағы ынтымақтастықты тереңдету қажеттігін атап өтті Өз кезегінде Беате Майнл-Райзинджер мен Герхард Карнер Қасым-Жомарт Тоқаевқа кездесуі үшін алғыс айтып, Австрия Президенті Александр Ван дер Белленнің сәлемін жеткізді – Біздің сапарымыз өте дер кезінде келіп отыр. Қазақстан біз үшін Орталық Азиядағы экономикалық ғана емес, саяси жағынан да маңызды серіктес болып табылады. Біз сіз атап өткендей, қауіпсіздік, көші-қон мәселелері бойынша, сондай-ақ көпжақты платформаларда тығыз ынтымақтасамыз. Мен Қазақстанның Сыртқы істер министрін Венада ЕҚЫҰ министрлерінің кездесуінде қабылдағаныма өте қуаныштымын, өйткені біз сіздің еліңіздің осы ұйымдағы көшбасшылығын жоғары бағалаймыз», - деп атап өтті Австрия СІМ басшысы Беате Мейнл-Райзигер Кездесу барысында экономикалық ынтымақтастықты кеңейту мәселелері, сондай-ақ өңірлік және халықаралық күн тәртібінің өзекті аспектілері талқыланды Қасым-Жомарт Тоқаев Президент Александр Ван дер Белленге жылы лебізін жеткізді. Мемлекет басшысы Австрия басшысын Қазақстанға өзіне қолайлы уақытта келуге шақырғанын растады Бұдан бұрын хабарланғандай, Австрия Республикасының Еуропалық және халықаралық істер бойынша Федералдық министрі Беате Майнл-Райзинджер Астанаға ресми сапармен келді