Ақмола облысында пайдаланылмай жатқан 26 мың гектардан астам жер мемлекет меншігіне қайтарылды

Қадағалаушы органның мәліметінше, жайылымдық жер тапшылығы облыстың өзекті мәселелерінің бірі болып қала береді. Осыған орай, өткен жылдан бері прокуратура органдары пайдаланылмай жатқан немесе мақсаты бойынша пайдаланылмай жатқан аумақтарды анықтауға бағытталған «Пайдаланылмайтын жерлерді қайтару» жобасын жүзеге асыруда 2025 жылы прокурорлық қадағалау актілері бойынша пайдаланылмай жатқан 23 мың гектардан астам ауыл шаруашылығы жерлері мемлекет меншігіне қайтарылды Биылғы жылы жұмыс қыза түсті. Өткен кезеңде жалпы құны 20 миллион теңгеден асатын 3,5 мың гектардан астам жайылым мемлекет меншігіне қайтарылды Атап айтқанда, «Нан-Жер» ЖШС-нің 1412 гектар жері тәркіленді. Сондай-ақ, «Баймырза-Агро» ЖШС 2150 гектар жайылым жерін өз еркімен қайтарды Бұған дейін Алматыда автобаза құрылысы үшін 9 гектарға жуық жер алынатыны хабарланған болатын