Атырау облысында ауа райының қолайсыздығынан 1200-ден астам ұсақ мал қырылды

Жылыой ауданы әкімдігінің хабарлауынша, 2-3 маусымда Сарықасқа мен Желтау аумақтарында 15 сағатқа жуық толассыз жауып, екпінді жел соқты. Осыдан кейін бұл аймақтарда қой-ешкінің өлімі тіркелді Оқиға туралы хабарлама түскен соң, жағдайды зерделеу үшін «Жылыой аудандық ветеринариялық станциясы» МКҚК-ның бес маманы мен арнайы техникасы оқиға орнына жіберілді Тексеру қорытындысы бойынша Қосшағыл ауылдық округі, Құлсары қаласы және Майкөмген ауылдық округінде орналасқан шаруа қожалықтарында барлығы 1238 бас уақ малдың өлгені анықталды Мамандардың алдын ала болжамы бойынша, малдың қырылуына жуырда қырқылған қой-ешкінің ұзақ уақыт жаңбыр астында қалып, қатты гипотермияға ұшырап, балшыққа батып қалуы себеп болған «Жазғы жайлауға шығарылатын малға баспананың жоқтығы да жағдайды қиындата түсті», - деді Қосшағыл ауылдық округінің әкімі Жанғазы Еркінов Ресми ақпаратқа сәйкес, өлген малды кәдеге жарату жұмыстары жалғасуда Естеріңізге сала кетейік, Атырау облысында 1 маусым мен 3 маусым аралығында жауын-шашын айлық нормадан бір жарым есе көп түскен