Ресейдің «қара тізімінде» 104 мыңнан астам қырғызстандық бар

Ресейдің миграциялық «қара тізімінде» Қырғызстанның 104 мыңнан астам азаматы бар. Бақыланатын тұлғалар тізіліміне тағы 90,7 мың қырғызстандық енгізілген Бұл туралы Азаттықтың қырғыз қызметі, Азаттық радиосына Қырғызстанның Еңбек, әлеуметтік қамсыздандыру және көші-қон министрлігі хабарлады. Ведомствоның мәліметінше, қазір Ресейдің «қара тізімінде» Қырғызстанның 104,5 мың азаматы бар. Салыстыру үшін 2025 жылы 91,5 мың болған. Бұл тізімге енгізілген тұлғаларға Ресейге кіруге тыйым салынады 2025 жылдың 5 ақпанынан бастап Ресейде бақылаудағы тұлғалардың тізілімі жұмыс істейді. Оның құрамына Ресей билігінің пікірінше, елде тұруға заңды негіздері жоқ шетелдіктер кіреді. Бұл тізілімге ену мигранттардың құқықтарын күрт шектейді: оларға көлік жүргізуге, неке қиюға, мүлікті тіркеуге, банк шоттарын ашуға және хабарламасыз тұрғылықты жерін өзгертуге тыйым салынады. Сонымен қатар, мұндай адамдар үшін Ресейден депортациялау қаупі артады Сәуір айында берілген Қырғызстанның Ресейдегі елшілігінің консулдық бөлімінің мәліметі бойынша, Ресейде 472 мыңнан астам қырғызстандық жұмыс істейді. Оның 268,4 мыңы көші-қон органдарында тіркелген Бақыланатын тұлғалар тізілімі іске қосылғаннан кейін шектеулер тек еңбек мигранттарына ғана емес, шетелдік студенттерге де, соның ішінде Орталық Азия елдерінің азаматтарына да қолданыла бастағанын Азаттық бұған дейін жазған болатын. Олардың кейбірі Ресейдегі заңды мәртебесіне қарамастан тіркеуде тұрғанын алға тартты Қырғызстан билігі бұған дейін Ресейдегі азаматтарды миграциялық жағдайын тексеріп, құжаттарын ретке келтіруге бірнеше рет шақырған. 2025 жылдың тамызында Қырғызстанның Сыртқы істер министрлігі бақылаудағы тұлғалар тізіміндегі он мыңдаған қырғызстандық Ресейден шығарылуы мүмкін екенін ескертті Azattyk Asia © 2026 Азаттық радиосы, Inc. | Барлық құқықтар қорғалған