Бішкектің екі вице-мэрі ауысты

Бішкек әкімінің әлеуметтік мәселелер жөніндегі орынбасары Виктория Мозгачева мен қала әкімінің жер пайдалану, сәулет, құрылыс, цифрландыру, көлік және жол инфрақұрылымы жөніндегі орынбасары Азамат Қадыров басқа жұмысқа ауысуына байланысты қызметінен босатылды Әкімдіктің хабарлауынша, Виктория Мозгачеваның орнына Рахат Мұсаева әкімнің әлеуметтік мәселелер жөніндегі уақытша орынбасары болып тағайындалды. Ал Азамат Қадыровтың орнына Мұратбек Атай әкімнің жер пайдалану, сәулет, құрылыс, цифрландыру, көлік және жол инфрақұрылымы мәселелері жөніндегі уақытша орынбасары болды Бұлардан бөлек білім басқармасының басшысы ауысып, қала әкімінің өкімімен Жәнібек Орозалиев білім басқармасының басшысы болып тағайындалды Кейбір ақпарат құралдары Бішкектің Ленин және Бірінші Май аудандары әкімдерінің әлеуметтік мәселелер бойынша орынбасарларына қатысты қызметтік тергеу жүріп жатқанын, депутаттардың уақытша қызметінен шеттетілгенін хабарлады. Қалалық әкімдік бұл ақпаратты растаған да, жоққа да шығарған жоқ Бішкек мэрінің бес орынбасары бар Бұған дейін 1 маусымдағы Балаларды қорғау күнін ұйымдастыруда жіберген қателігі үшін қала әкімінің орынбасары Виктория Мозгачеваға сөгіс жарияланса, Бішкек қалалық әкімдігі мәдениет басқармасының басшысы Назгүл Мекешоваға сөгіс, Мәдениет басқармасы басшысының орынбасары Урмат Белекбаев қызметінен босатылды. (ZKo)