Баткендегі су басқан ауылдардан 149 адам эвакуацияланды

2 мамырда Баткен ауданына қарасты Ақ-Татыр және Самарқандек ауылдық аумақтарында қалпына келтіру жұмыстары жүріп жатыр. Ақ-Татыр ауылдық округіне қарасты Өрікзар, Керме-Тоо, Үш-Дөбе ауылдарында 50-ге жуық үйді су басып, 10 үйдің жертөлесіне су кірген Су басқан ауылдардан барлығы 149 адам (35 отбасы) көшіріліп, туыстарының үйіне орналастырылды. Сондай-ақ, Ақ-Татыр ауылындағы Садықов атындағы орта мектепте адамдарды уақытша орналастыру орны ұйымдастырылды Су тасқынының салдарын жою жұмыстарына азаматтық қорғаныс қызметтері мен жергілікті атқарушы органдардан барлығы 134 қызметкер мен 22 техника жұмылдырылды. Су тасқынына байланысты Баткен ауданында төтенше жағдай режимі енгізілді Синоптиктер толассыз жауған жаңбырға байланысты республиканың бірқатар аймақтарында су басу қаупі жоғары екенін ескертті 1 мамырда нөсер жауын салдарынан Жалал-Абад облысының Манас қаласында су тасқыны болды. 30 сәуірде Баткен облысының Қадамжай ауданында су басқан кейбір жолдар уақытша жабылды. 29 сәуірде Ош облысы Алай ауданы Гүлше қаласында су тасқынына байланысты төтенше жағдай режимі енгізілген болатын. (JsA)