Бакуде «Әмір Әлішір Навайнның тылсым әлемі» монографиясы жарық көрді

Бакуде белгілі өзбек ғалымы, филология ғылымдарының докторы, профессор Нұрбай Жаббаровтың «Әмір Әлішир Навайннің тылсым әлемі» атты монографиясы әзірбайжан тілінде жарық көрді Әзербайжан Ұлттық ғылым академиясының Низами Гянджави атындағы Әдебиет институтының ғылыми кеңесінің шешімімен кітап «Ғылым және білім» баспасынан шыққанын ҚазАқпарат хабарлайды. Іргелі зерттеу жұмысының ғылыми кеңесшісі – академик Иса Хабиббайлы, рецензент – профессор Яшар Ғасымбайлы, редакторы – Сирадеддин қажы Өзбек тілінен әзірбайжан тіліне аударма мен «Алғы сөздің» авторлары – профессор Алмаз Улви Биннетова мен Табриз университетінің профессоры Хусейн Хошбатин Монографияда ұлы ақын, ойшыл Әмір Әлішір Науаидың тұлғалық болмысы, мемлекетшілдік ерекшеліктері, бай тылсым дүниесі мен әдеби-эстетикалық көзқарастары тың ізденіс негізінде талданған. Кітапта Науаидың түркі халықтарын біртұтас әдеби тіл төңірегіне топтастыру жолындағы мұраты, жауһар туындысы «Хамса» шығармасындағы көркемдік концепциялар, сондай-ақ «Арбаин», «Сирачул-муслимин» сынды діни-ағартушылық шығармаларының мән-мағынасы кеңінен қамтылған. Сонымен бірге еңбекте 19 ғасырдан бүгінгі күнге дейін өзбек әдебиетінде орын алған «Науаия мұрасы» дәстүрлері жүйелі түрде қарастырылған Монография авторы Нұрбай Жаббаров Өзбекстан классикалық әдебиеттану ғылыми мектебінің негізін қалаушы, Әлішир Науаи атындағы Ташкент мемлекеттік өзбек тілі және әдебиеті университетінің ғылыми жұмыстар және инновациялар жөніндегі проректоры, сондай-ақ Өзбекстан Жазушылар одағы Әдебиет сын кеңесінің төрағасы болып табылады. Өзбекстанның «Даңқ» медалімен және «Достық» орденімен марапатталған. Ғалымның іргелі зерттеулері АҚШ, Түркия, Әзірбайжан, Ресей, Қытай сияқты елдердің беделді ғылыми басылымдарында («Scopus», т.б.) жарияланған Профессор Н.Джаббаров Әзірбайжан-өзбек әдеби байланысын дамытудағы қызметі үшін Әзірбайжанның «Низами Ганджави» мемориалдық төсбелгісімен (2021 ж.) және АМҒА-ның «Әдебиеттануды қолдау» дипломымен (2023 ж.) марапатталды Басылым Әзірбайжан мен Өзбекстан арасындағы тарихи-мәдени достықты, ғылыми интеграцияны нығайтуға, ұлттық этнология саласындағы олқылықтардың орнын толтыруға қосылған маңызды үлес болып табылады. 324 беттен тұратын бұл құнды дерек әдебиетші ғалымдарға, зерттеушілерге, студенттерге, жалпы оқырман қауымға арналған 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек