Әзірбайжан мен Литва арасындағы саяси консультациялардың кезекті раунды өтті

Вильнюсте Әзірбайжан мен Литва Сыртқы істер министрліктері арасындағы саяси консультациялардың кезекті раунды өтті ҚазАқпаратқа Сыртқы істер министрлігінің Баспасөз қызметі департаментінен хабарлағандай, әзірбайжандық делегацияны Сыртқы істер министрінің орынбасары Фариз Рзаев, ал Литва делегациясын Сыртқы істер министрінің орынбасары Аудра Плепите басқарды Консультациялар барысында Әзірбайжан мен Литва арасындағы саяси қарым-қатынастардың қазіргі жағдайы кеңінен талқыланып, түрлі деңгейдегі өзара сапарлардың маңыздылығы атап өтілді. Сондай-ақ сауда-экономикалық, гуманитарлық, ғылыми және білім беру салаларындағы ынтымақтастықты кеңейту мүмкіндіктері қарастырылды. Сонымен бірге, Әзербайжанның бастамасымен және қатысуымен жүзеге асырылған стратегиялық энергетикалық және көліктік жобалар контекстіндегі ынтымақтастықтың келешек перспективалары бағаланды Кейін келісімшарттық-құқықтық базаны кеңейту бағытында атқарылып жатқан жоспарлар бойынша пікір алмасылды Үздіксіз қарым-қатынастар мен өзара іс-шаралар және халықаралық ұйымдар аясында кандидаттарды өзара қолдау мәселелеріне назар аударылды Тараптар аймақтағы қазіргі жағдай, Әзірбайжан-Армения қарым-қатынастарын қалыпқа келтіру барысы, сондай-ақ азат етілген аумақтардағы ауқымды қалпына келтіру, қайта құру және мина қаупін жою туралы пікір алмасты Сонымен қатар, өзара қызығушылық тудыратын басқа да өңірлік және халықаралық мәселелер талқыланды Сапар аясында Ф.Рзаев Литваның басқа да ресми өкілдерімен іскерлік кездесулер өткізді, сондай-ақ ғылыми-зерттеу орталығындағы дөңгелек үстелге қатысты 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек