Әзірбайжан шахматшылары түркітілдес елдер чемпионатында үш медаль жеңіп алды - ФОТО

Астанада шахматтан түркі елдерінің чемпионаты өтті. Жарыс үш категория бойынша өтті – ерлер, әйелдер және 16 жасқа дейінгі командалар арасында Әзірбайжан шахмат федерациясынан ҚазАқпарат тілшісіне хабарлағанындай, құрамында Ульвия Фаталиева, Гүнай Мамедзаде, Говхар Бейдуллаева, Ханым Балажаева және Гүлнар Маммадова бар әйелдер құрамасы алты кездесуде төрт жеңіске жетіп, екі рет тең түсті. Нәтижесінде капитан Илаха Гадимова бастаған команда 10 ұпай жинап, бірінші орынды иеленіп, алтыннан алқа тағынды. Қазақстан екінші, Өзбекстан үшінші орынға табан тіреді Құрамында Хаган Ахмед, Шамси Гараханов, Паша Ализаде және Лала Гусейнова бар 16 жасқа дейінгі жасөспірімдер құрамасы алты турда бес жеңіске жетті. 10 ұпай жинап, капитан Фарид Аббасовтың жетекшілігімен 16 жасқа дейінгі Әзірбайжан құрамасы да алтыннан алқа тағынды. «Күміс» және «қола» Қазақстанның бірінші және екінші командаларына бұйырды Әзірбайжан ерлер құрамасы турнирді қола медальмен аяқтады. Ахмед Ахмедзаде, Мисретдин Искендеров, Хазар Бабазаде, Широглан Талибов және Мурад Ибрахимли өнер көрсеткен команда алты турда үш жеңіске жетті. 7 ұпай жинаған Әзірбайжан шахматшылары үшінші орын алды Осылайша, шахматшыларымыз чемпионатты екі алтын және бір қола медальмен аяқтады