Әзірбайжан жасыл энергияның арқасында жылына 1,5 миллиард текше метр газ үнемдейді

Бұл туралы Technovation Baku форумында сөз сөйлеген Энергетика вице-министрі Елнұр Солтанов мәлімдеді. Оның айтуынша, 2027 жылға қарай Әзірбайжандағы жаңартылатын энергия нысандарының белгіленген қуаты 2 гигаваттқа жетеді «Осы 2 ГВт жаңартылатын энергияны энергетикалық жүйеге біріктіру қомақты инвестицияны қажет етеді - шамамен $500 млн», - деді министрдің орынбасары Ол жаңа жасыл генерация нысандарын іске қосумен қатар елімізде қолданыстағы энергетикалық инфрақұрылымды ауқымды жаңғырту жұмыстары жүргізіліп жатқанын атап өтті. Атап айтқанда, Мингачевирдегі қуаттылығы 2,4 ГВт болатын Әзірбайжандағы ең ірі электр станциясында ескірген газ турбиналары заманауи қондырғыларға ауыстырылды Елнұр Солтановтың хабарлауынша, жаңартылатын энергия көздері саласындағы жобаларды жүзеге асыру және энергетикалық нысандарды жаңғырту Әзірбайжанға жыл сайын шамамен 1,5 миллиард текше метр табиғи газды үнемдеуге мүмкіндік береді «Бұл белгілі бір мағынада жаңа Апшерон газ кенішінің ашылуымен бірдей», - деді ол жобаның елдің энергетикалық қауіпсіздігі үшін стратегиялық маңыздылығын атап өтті Вице-министрдің айтуынша, жаңартылатын энергия көздерін дамытудың тек экологиялық ғана емес, сонымен бірге айқын экономикалық әсері де бар. Табиғи газдың босатылған көлемі бірінші кезекте еуропалық нарықтарға экспортталуы мүмкін, бұл ұлттық экономикаға валюталық түсімдерді арттырады — Табиғи газдың экспорттық құны жоғары. Оны еуропалық нарыққа жоғары бағамен жеткізуге болады, ал түскен кірісті ел экономикасына қайтаруға болады», - деді Солтанов Бұған дейін Әзірбайжан Еуропаға газ экспортын 56 пайызға арттырғаны хабарланған болатын