Әзірбайжан мен Еуроодақ келіссөздерін қайта бастады

Әзірбайжан мен Еуропалық Одақ «Әріптестік басымдықтары» мәтінін келісіп, стратегиялық ынтымақтастық бойынша келіссөздерді қайта бастады, деп хабарлады ЕО-ның елдегі өкілдігі «ЕО мен Әзірбайжан арасындағы өнімді келіссөздер серіктестіктің 30 жылдығына байланысты Бакуде өтті. Келіссөзге қатысушылар бұған дейін «Әріптестік басымдықтары» мәтінін келісіп, жаңа екіжақты келісім бойынша (стратегиялық әріптестік туралы) келіссөздерді ресми түрде қайта бастады», - деп хабарлады дипломатиялық миссия 2016 жылы 14 қарашада ЕО Кеңесі Еуропалық комиссия мен Еуропалық Одақтың Сыртқы істер және қауіпсіздік саясаты жөніндегі Жоғарғы өкіліне Әзірбайжанмен жаңа келісім бойынша келіссөздер жүргізуге мандат беруді мақұлдады. Құжат 1996 жылғы серіктестік және ынтымақтастық келісімін алмастыруы тиіс. Жаңа келісім бойынша келіссөздер 2017 жылдың 7 ақпанында басталды Әзірбайжан мен ЕО арасындағы Стратегиялық әріптестік туралы келісім төрт блокты қамтиды. Қазір сауда-экономикалық мәселелерге қатысты кейбір сұрақтар ашық күйінде қалып отыр. Баку бұған дейін құжат мәтіні 90% келісілгенін мәлімдеген. Соңғы бірнеше жылда тараптар арасында бұл келісім бойынша келіссөздер жүргізілмеген