«Айбын – 2026» Халықаралық әскери-патриоттық жастар жиыны өтеді

Елімізде халықаралық деңгейде өтетін «Айбын» жастар жиыны бағдарламасына биыл алғаш рет жүзуден сайыс қосылды. Әскери-патриоттық шара маусымның 21 мен 27-і күндері Щучинск қаласында өтеді. Оған 14 пен 17 жас аралығындағы 53 команда қатысады. Барлығы 900-ден астам жасөспірім келеді деп жоспарланған. Олардың қатарында еліміздің әр өңірінен іріктелген құрамалар, әскери-патриоттық клуб мүшелері, әскери колледждер мен мамандандырылған лицейлер бар. Әрі Әзербайжан, Беларусь, Қырғызстан, Ресей және Өзбекстан командалары қатыспақ. Биылғы бағдарламаға әскери-спорттық, зияткерлік және шығармашылық сайыстар енгізілді. Қатысушылар әскери кросс пен эстафета, әскери-тактикалық ойын, ату сайыстары, автомат қаруын шашып жинау, белтемірге тартылу, робототехника жарыстары мен зияткерлік ойынында сынға түседі