«Axios»: Трамп пен оның командасы Иранға қарсы әскери әрекет ету нұсқаларын талқылады

АҚШ президенті Дональд Трамп 18 мамырда ұлттық қауіпсіздік тобымен кездесу өткізіп, Иранға қарсы әскери күш қолдану нұсқалары ұсынылды Бұл туралы "Report" ақпарат көздеріне сілтеме жасап "Axios" хабарлады Хабарларға қарағанда, кездесу бастапқыда 19 мамырға жоспарланған, бірақ Трамп Иранға ықтимал соққы беруді кейінге қалдыратынын жариялағаннан кейін бірнеше сағат өткен соң өтті Кездесуге АҚШ вице-президенті Джей Вэнс, Мемлекеттік хатшы Марко Рубио, Пентагон басшысы Пит Хегсет, арнайы өкіл Стив Уиткофф, Штаб бастықтары біріккен комитетінің төрағасы генерал Дэн Кейн және Орталық барлау басқармасының директоры Джон Рэтклифф қатысты Ақпаратқа сәйкес, Иранға қатысты қосымша шаралар, дипломатиялық қарым-қатынастардың жағдайы және ықтимал шабуыл сценарийлері талқыланды Еске сала кетейік, ақпанның 28-і күні АҚШ пен Израиль Иранға қарсы әскери операциясын бастап, бірқатар қалаларға әуе шабуылдары жасалған болатын. Сол күні Иранның рухани көсемі Әли Хаменеи өлтірілді. Бұған жауап ретінде Иран Израиль аумағына зымырандық шабуылдар жасап, Парсы шығанағы елдеріндегі АҚШ әскери базаларына шабуыл жасады Сәуірдің 8-іне қараған түні Иран, АҚШ және олардың одақтастары атысты тоқтату туралы келісімге келді.Трамп кейін атысты тоқтату келісімін белгісіз уақытқа ұзартты Тараптар қақтығысты шешу үшін Пәкістанда келіссөздер жүргізді, бірақ 11-12 сәуірде өткен бірінші раунд еш нәтиже бермеді АҚШ Тегеранға қысым көрсету үшін Иран порттары мен Ормуз бұғазы арқылы өтетін жолдарды қоршауға алды. Иран өз кезегінде Парсы шығанағына баратын кемелер үшін Ормуз бұғазының қоршауын жариялады. Аймақтағы динамикалық өзгермелі жағдай жаһандық энергетикалық дағдарысты тудырды Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет