"Axios": АҚШ Иранға уран байытуға 20 жылға мораторий ұсынды

Исламабадта (Пәкістан) өткен келіссөздер барысында АҚШ Иранға уранды байытуға 20 жылға мораторий жариялауды ұсынды Бұл туралы «Axios» америкалық шенеунікке сілтеме жасап хабарлады Хабарларға қарағанда, Иран тарапы қысқарақ мораторий мерзімін ұсынып жауап берді, дереккөздер оны 20 жылдан «сөзсіз аз» деп сипаттайды "Иранның ядролық бағдарламасына қатысты келіспеушіліктер келісімге қол жеткізудегі басты кедергі болып қала береді. Атап айтқанда, дау Тегеранның уран байытудан және оның қазірдің өзінде жинақталған қорынан бас тартуға дайын немесе дайын еместігіне қатысты", - дейді ақпарат көздері «Axios» ақпаратына сәйкес, Тегеран бақылаудағы байыту деңгейін төмендетуді ұсынды. Сондай-ақ ақпарат көздері ирандық тараптың уақытша келісімге қол жеткізіледі деп күткенін, бірақ АҚШ вице-президенті Джей Вэнстің келіссөздердің аяқталуы және АҚШ делегациясының кетуі туралы мәлімдемесі олар үшін күтпеген жағдай болғанын атап өтті Еске сала кетейік, 28 ақпанда АҚШ пен Израиль Иранға қарсы әскери операция бастап, бірқатар қалаларға әуеден соққы берген болатын. Сол күні Иранның рухани көсемі Әли Хаменеи соққылардың салдарынан қаза тапты. Бұған жауап ретінде Иран Израиль аумағына зымырандық шабуылдар жасап, Парсы шығанағы елдеріндегі АҚШ әскери базаларына шабуыл жасады Сәуірдің 8-і күні Иран мен АҚШ және олардың одақтастары екі апталық атысты тоқтату туралы келісімге келді Сәуірдің 11-12 күндері Исламабадта Пәкістанның арағайындығымен Иран мен АҚШ арасындағы келіссөздер өтті. Вашингтон мен Тегеран арасындағы бірнеше сағатқа созылған келіссөздер келісімсіз аяқталды Бұған дейін АҚШ президенті Дональд Трамп Ормуз бұғазындағы АҚШ блокадасын бұзуға тырысқан барлық ирандық кемелерді жойып жібереміз деп қорқытқан болатын Оларды пайдалану кезінде сайттағы материалдарға сілтеме жасау маңызды. Ақпаратты веб-беттерде пайдаланған кезде міндетті түрде гиперсілтеме арқылы сілтеме жасау қажет