Еуропаға «ғашық визасы»

Бірқатар Еуропа елдерінде серіктестерге некеге тұруды талап етпей-ақ виза алуға мүмкіндік беретін жүйелер бар Modern.az сайты бұл санатқа енген елдердің қатарында Германия, Австрия, Бельгия, Чехия, Дания, Финляндия, Франция, Нидерланды, Испания, Швеция (Самбо визасы), Швейцария, Италия және Норвегия бар деп хабарлайды. Кейбір елдерде арнайы «ғашық визасы» бағдарламасы болмаса да, қолданыстағы визалық ережелер аясында қысқа мерзімді кездесулер үшін отбасылық немесе келушілер визасын пайдалануға болады Серіктестік визасына үміткерлерден әдетте жарамды төлқұжат, іссапар шығындарын өтеуге қаржылық мүмкіндігін растайтын құжат, таза соттылық және бұрын визалық бұзушылықтар болмауы талап етіледі. Сонымен қатар, шетелде тұратын серіктестен алынған ресми шақыру хат қарым-қатынастың шынайылығын растайтын негізгі құжаттардың бірі болып саналады Өтініш беру процесі елдердің консулдықтары немесе виза орталықтары арқылы жүзеге асырылады. Бұл кезең анкетаны толтыруды, құжаттарды дайындауды, қабылдауға жазылуды, биометриялық деректерді беруді және қажет болған жағдайда әңгімелесуді қамтиды Қажетті құжаттарға кемінде 3 ай жарамды төлқұжат, соңғы 6 айда түсірілген биометриялық фотосуреттер, өтініш формасы, шақыру хаты, екі жаққа бару билеттері, банк үзіндісі, виза алымының түбіртегі және кемінде 30 000 еуроны құрайтын жол жүру сақтандыруы кіреді. Кейбір жағдайларда қосымша құжаттар қажет болуы мүмкін Ережелер аясында шетелде тұратын серіктес жазған шақыру хаты ерекше маңызға ие. Хат жіберілген елдің тілінде дайындалып, ресми органға жіберіліп, тараптардың ақпараты, қарым-қатынас сипаты мен сапардың мақсаты анық көрсетілгені маңызды