Ауыр техника өндіретін 150-дей компания Астанаға жиналды

Елордада көлік және құрылыс техникасына арналған ірі халықаралық көрмелер – Comtrux Astana мен Eurasian Construction Technology Astana өз жұмысын бастады. Биылғы шараға әлемнің әр түкпірінен 150-ге жуық компания қатысып отыр. Әсіресе Қытай мен Өзбекстанның ұлттық павильондары ұйымдастырылған. Олардың қатарында коммерциялық көлік, жол-құрылыс техникасы, арнайы жабдықтар мен автопаркті басқаруға арналған цифрлық шешімдер ұсынатын ірі өндірушілер бар. Сондай-ақ Қытай мен Өзбекстанның ұлттық павильондары ұйымдастырылған. Еліміз алғаш рет коммерциялық көлік пен логистикаға арналған ірі жобаны Messe Frankfurt лицензиясымен іске қосып отыр. Ашылу рәсіміне бірнеше министрлік өкілдері, кәсіпкерлер палатасы және шетелдік дипломатиялық корпус жиналды. Германиядан бастап Үндістанға дейінгі бірқатар елдің өкілдері Қазақстан нарығына қызығушылық танытып отыр Әнуар Мәлік, ұйымдастырушы: Көрмеде шамамен қырыққа жуық техника бірлігі ұсынылған. Үш күн ішінде мұнда шамамен 4–5 мың адам келеді деп күтілуде. Бұл нақты іскерлік байланыс орнатуға мүдделі кәсіби аудитория. Бұл отандық компанияларға жаңа серіктестік орнатуға, бизнесін кеңейтуге мүмкіндік береді. Қазақстандық қатысушылардың заманауи, ауқымды стендтермен өз өнімін ұсынуы айтарлықтай жетістік. Мунисхан Израилова, «Самавто» компаниясының маркетинг директоры /Өзбекстан/:Бұл халықаралық көрме біз үшін ерекше маңызға ие. Өйткені шетелдік нарыққа шығу жолындағы алғашқы қадамдарымыз дәл осы Қазақстаннан басталған. Биыл қатысушылар саны едәуір артқан. Бұрын шетелдік қатысушылар аз болса, қазір халықаралық деңгейі айқын байқалады. Әсіресе Қазақстандағы жергілікті өндірістің дамуы көзге түседі. Түрлі брендтер, күрделі техника түрлері, соның ішінде өрт сөндіру машиналары мен климатқа бейімделген арнайы техникалар ұсынылған. Жалпы деңгейі айтарлықтай өскен