27 Қандас отбасы жаңа өмірге Атырау облысын таңдады

Үміткерлерді қабылдаудың өңірлік квотасы аясында ағымдағы жылға 125 орын бөлінді. Маусым айында өткен комиссия отырысының шешімімен облыстық квотаға 16 отбасынан 48 адам енгізілді. Оның ішінде Өзбекстаннан 36 адам, Қытайдан 6 адам, Түрікменстаннан 6 адам бар Көшіп келген отбасыларға мемлекет тарапынан қолдау көрсетілуде. Қазіргі таңда 14 отбасының 41 азаматына отбасылық қоныстандыру бойынша әлеуметтік жәрдемақы тағайындалды, оның жалпы сомасы 12,4 млн теңгеден астамды құрады Атырау облысының жұмыспен қамтуды үйлестіру және әлеуметтік бағдарламалар басқармасының басшысы Гүлболат Аманғалиеваның айтуынша, үміткерлерді жұмысқа орналастыру жұмыстары да жүргізілуде — Ағымдағы жылдың 1 маусымына дейін мансап орталықтарына 22 үміткер өтініш білдірді; олар жұмыссыз ретінде тіркелді. Алдағы уақытта оларды тұрақты жұмыс орындарына кезең-кезеңімен жұмысқа орналастыру жұмыстары жалғасады, деді Гүлболат Аманғалиева Сарапшылардың пікірінше, қандастарға көрсетілетін әлеуметтік қолдау шаралары олардың жаңа ортаға бейімделуіне, тұрмыс жағдайының жақсаруына және еңбек нарығына интеграциялануына ықпал етеді