Астанадағы балабақшада экологиялық танымдық шара өтті

Бүгін елордадағы балабақша тәрбиеленушілері экологиялық іс-шараға қатысты. Онда 4-5 жас аралығындағы бүлдіршіндер экология тақырыбында танымдық мультфильмдер көріп, табиғатты аялау, айналаны таза ұстау туралы дәріс тыңдады. «Таза Қазақстан» акциясы аясында ұйымдастырылған шарада балалардың жасына сай әр ақпаратты түсіндіру ойын түрінде ұйымдастырылды. Айта кету керек, мұндай танымдық экоакцияны қалалық №7 балалар кітапханасы ұжымы өткізген. Бөбекжайдағы балдырғандарға экология тақырыбын етене таныстыру алдағы уақытта да жалғасын табады. Себебі: «қоршаған ортаны қорғау кішкентай күннен бастау алуы тиіс», - дейді ұйымдастырушылар