Астанаға 4 айда ₸587 млрд инвестиция тартылған

Биылғы төрт айда елордаға 587 млрд теңге инвестиция тартылған. Премьер-министр Астанадағы өнеркәсіп, логистика және азық-түлік өндірісі нысандарын аралап, Президент тапсырмаларының орындалу барысын тексерді. Қала әкімі Жеңіс Қасымбектің айтуынша, былтырғы қорытындысы бойынша жалпы өңірлік өнім көлемі 19 трлн теңгеге жуықтаған. Инвестиция көлемі бойынша елорда республикада бірінші орында тұр. Қазір Астанада 246 мың шағын және орта бизнес тіркелген. Олжас Бектенов ірі логистикалық хабтардың құрылысын да көрді. Жоба аясында 6 мың жұмыс орнын ашу жоспарланған. Сонымен қатар медициналық пластикалық бұйымдар өндірісінің жұмысы да таныстырылды. Кәсіпорында донорлық ағзаларды сақтау мен тасымалдауға арналған отандық ALEM жүйесін шығару жоспарланып отыр. Сонымен қатар, Үкімет басшысы нан-тоқаш және сүт өнімдерін өндіретін кәсіпорындарды аралады. Жалпы құны 8,8 млрд теңгелік жобалар азық-түлік өндірісін ұлғайтуға және өңдеу саласын дамытуға бағытталған Мұрат Зауыров, Heart Center Foundation ҚҚ директоры: Компанияның тарихы 2022 жылы донорлық ағзаларды ұзақ уақыт сақтауға және тасымалдауға арналған жабдық әзірлеу жөніндегі ғылыми жобадан бастау алды. Дәрігерлер мен инженерлердің бірлескен еңбегінің нәтижесінде халықаралық деңгейде мойындалған инновациялық өнім дүниеге келді. Бүгінде біздің жабдық техникалық сипаттамалары бойынша әлемдегі жетекші өнімдердің бірі саналады. Ол донорлық ағзаларды адам ағзасына барынша жақын жағдайда 24 сағаттан астам уақыт сақтауға мүмкіндік береді. Кәсіпорынның өндірістік қуаты жылына 12 миллион дана түрлі өнім шығаруға мүмкіндік бермек.Рауан Бектембеков, «RnR Group» ЖШС бақылау-өлшеу аспаптары және автоматика инженері: