Астана заңсыз мигранттарды қабылдайтын орталықтардың құрылғаны туралы ақпаратты жоққа шығарады

ҚР Сыртқы істер министрлігінің ресми өкілі Ерлан Жетібаев Еуропалық Одақпен визалық режимді жеңілдету үшін елде заңсыз мигранттарды орналастыру орталықтарын ашу туралы келіссөздер жүргізілмейтінін айтты Ол Астанада Қазақстан азаматтары үшін визалық режимді жеңілдету бойынша келіссөздер жүргізіліп жатқанын, бірақ бұл жұмыс реадмиссия туралы келісіммен (реадмиссия – мемлекеттің өз азаматтарын және кейбір жағдайларда басқа мемлекеттен депортацияланған шетелдіктерді қайтаруға келісімі) жүзеге асырылатынын түсіндірді «Радмиссия келісімі мынаны білдіреді: егер азамат біздің елден заңсыз кеткен болса, біз оны кері қайтаруға міндеттенеміз», - деп түсіндірді Жетібаев 1 маусымда Еуроодақ заңсыз мигранттарды одақтан тыс депортациялау және заңсыз иммигранттарды іздеу орталықтарын құруға мүмкіндік беретін жаңа көші-қон заңын бекітті. Бұған дейін Politico Еуроодақтағы дипломатиялық орталардағы анонимді дереккөздерге сілтеме жасай отырып, Қазақстан мен Өзбекстанды Еуропалық Одақ Еуропа елдерінде баспана беруден бас тартқан мигранттарды ұстау орталықтарын орналастыруға әлеуетті елдер ретінде қарастыратынын хабарлады. Бастаманы Нидерланды, Австрия, Дания, Германия және Грекия қолдап отыр. Есептеулер бойынша, мұндай орталықтарды орналастыруға келісетін мемлекеттер оның орнына визалық режимді дамыту немесе жеңілдету үшін қаржылық көмек ала алады Журналистер Еуроодақ үкіметтері тақырыптың сезімталдығына байланысты ықтимал қатысушылардың атын жария етуден аулақ екенін атап өтеді. Бірқатар құқық қорғаушылар мен азаматтық қоғам өкілдері Еуроодақтың жаңа заңын сынға алды. Олар құжатты «ксенофобиялық» деп атады және бұл шаралардың адам құқықтарын бұзуы мүмкін екенін, өйткені олар адамдарды еш нәрсеге қатысы жоқ елдерге қуып жіберуге мүмкіндік беретінін айтты Azattyk Asia © 2026 Азаттық радиосы, Inc. | Барлық құқықтар қорғалған