Астанада Қазақстан-АҚШ келіссөздері өтуде. стратегиялық серіктестікті дамыту

Сейсенбі күнгі кездесуде тараптар екіжақты күн тәртібіндегі мәселелердің кең ауқымын талқылап, экономикалық және инвестициялық серіктестікті дамытуға, инновациялар мен жасанды интеллект, білім және ғылым саласындағы ынтымақтастыққа ерекше көңіл бөлді. Көлік, логистика және маңызды пайдалы қазбалар салаларындағы ынтымақтастық перспективалары да бөлек талқыланды Министр Көшербаев Қазақстанда ауқымды конституциялық реформалар мен ұлттық экономиканы жаңғырту бағдарламалары дәйекті түрде жүзеге асырылып жатқанын атап өтті. Астана Вашингтонды инвестиция тарту, технологиялық жаңғырту және сауда-экономикалық ынтымақтастықты тереңдетудегі негізгі серіктестерінің бірі ретінде қарастырады. Осы тұрғыда тараптар Қазақстан Президенті Қасым-Жомарт Тоқаев пен Америка Құрама Штаттарының Президенті Дональд Трамптың 2025 жылғы қарашада Ақ үйде өткен кездесуінде қол жеткізілген уағдаластықтарды іске асыру мәселелерін мазмұнды талқылады Сондай-ақ Қазақстанның Сыртқы істер министрі АҚШ тарапына алдағы C5+1 маңызды минералдар диалогына жоғары деңгейде қатысқаны үшін алғысын білдірді. Сонымен қатар, тараптар сауда-экономикалық ынтымақтастықты кеңейтуге қосымша серпін береді деп күтілуде АҚШ пен Орталық Азия елдерінің іскер делегацияларының қатысуымен жоспарланған дөңгелек үстелдің маңыздылығын атап өтті Өз тарапынан Елші Гор қазақстандық тарапқа қонақжайлылығы үшін алғыс айтып, екіжақты және өңірлік мәселелердің барлық спектрі бойынша белсенді диалог пен практикалық ынтымақтастықты қолдаудың маңыздылығын қуаттады Келіссөздердің қорытындысы бойынша тараптар кеңейтілген стратегиялық серіктестікті одан әрі нығайтуға бейілділігін растады Бұған дейін Қазақстанның Кувейттегі Елшісі Ерзан Елекеев Кувейттің Қаржы министрі Якуб Аль-Рефаимен кездесіп, сауда-экономикалық, инвестициялық және қаржылық ынтымақтастықты кеңейту мәселелерін талқылады