Астана жартылай марафонына қатысушылар «Таза Қазақстан» акциясын қолдау мақсатында жарыс кезінде қоқыс жинады

Елорда әкімдігінде хабарланғандай, марафон аясында жүгіру мен қоқыс жинауды біріктіретін экологиялық қозғалыс – плогинг бойынша акция өтті. Жарыс барысында қатысушылар жарыс жолында пластик бөтелкелер мен басқа да қалдықтарды жинады Қатысушылардың айтуынша, мұндай бастамалар қала тазалығын сақтауға ғана емес, тұрғындардың, әсіресе жастардың экологиялық мәдениетін қалыптастыруға ықпал етеді «Мұндай акциялар қала тазалығын сақтауға ғана емес, жастардың экологиялық мәдениетін қалыптастыруға да септігін тигізеді.Марафон барысында көптеген қатысушылар мен тұрғындар бастаманы белсенді түрде қолдап, акцияға қосылуға тырысты», - деп атап өтті қатысушылардың бірі Сонымен қатар, Астана жартылай марафон алаңдарында арнайы қалдықтарды жинау орындары, пластмассаларды қайта өңдеу алаңдары және басқа да табиғатты қорғау шаралары ұйымдастырылды. Іс-шаралар «Таза Қазақстан» республикалық акциясы мен «Құқықтық тәртіп» тұжырымдамасы аясында өтті Ұйымдастырушылар мұндай бастамалар экологиялық мәселелерге назар аударуға және бұқаралық спорттық іс-шараларға қатысушылар арасында қоршаған ортаға деген жауапкершілікті қалыптастыруға ықпал ететінін атап өтті Естеріңізге сала кетейік, 7 маусым күні елордада 30-дан астам елден 7 мыңға жуық жүгіруші қатысқан Астана жартылай марафоны өткен болатын