Әлемнің түкпір-түкпірінен авторлар үшін Astana AI Film Festival халықаралық байқауына өтінімдерді қабылдау басталды

Фестиваль ұйымдастырушысы Алмас Жалидың айтуынша, байқау бағдарламасы екі бөлімнен тұрады: маусым тақырыбы «Өмір сүруге тұрарлық болашақ» және бес номинациядан тұратын ашық бөлім – үздік режиссура, бейнелеу тілі, әңгіме, концепция және кейіпкер үшін Байқаудың негізгі талабы – қысқаметражды фильмді кейінгі өңдеудің қосалқы құралы емес, жасанды интеллект жұмыс жасау үшін негіз болатын толық AI технологияларын қолданатын фильмдер жасау Байқауға қатысу тегін және жасына және біліктілігіне шектеусіз барлығына, командаларға да, жеке авторларға да ашық. Қатысу үшін ұзақтығы 10 минутқа дейін қысқа AI фильмін жасап, оны жобаның сипаттамасымен aaiff.ai фестиваль платформасына жүктеп салу керек YouTube сайтында жарияланған бейнелер үшін бейне сипаттамасында «Special for Astana AI Film Festival» деген сөз тіркесін, автордың аты-жөнін және #SpecialForAAIFF хештегін қосу қажет Іріктеу нәтижелері бойынша AAIFF командасы мен халықаралық сарапшылар 25 үздік жұмысты анықтайды: 10 негізгі бөлімде және 15 ашық бөлімде. Финалистерді фестивальдің халықаралық қазылар алқасы бағалайды, оның құрамына киноиндустрия, AI қауымдастығы және шығармашылық технология саласының өкілдері кіреді Өтініштер 2026 жылдың 15 тамызына дейін қабылданады, көрсетілімдер мен марапаттау рәсімі Астанада Astana AI Week аясында өтеді Еске сала кетейік, Astana AI Film Festival – жасанды интеллект технологиялары арқылы жасалған халықаралық кинофестиваль. Платформа авторларды, цифрлық жасаушыларды, технологиялық компаниялардың өкілдерін, сарапшыларды және инвесторларды біріктіреді. Фестивальдің жалпы жүлде қоры 1 миллион АҚШ долларын құрайды Фестиваль сонымен қатар авторлар мен продюсерлерге арналған көрсетілімдер, шеберлік сабақтары, панельдік пікірталастар мен питч-сессияларды қамтиды. Ұйымдастырушылар AI кинематографиясын және цифрлық шығармашылықтың жаңа түрлерін дамыту үшін тұрақты халықаралық платформаны құра отырып, фестивальді жыл сайын өткізуді жоспарлап отыр