Арыс қаласында мас жүргізуші 5 адамды қағып кеткен

Түркістан облысының Арыс қаласында мас жүргізушінің кесірінен үш адам қаза тапты. Жоғары жылдамдықпен келе жатқан жеңіл көлік жекеменшік үйдің қоршауын бұзып өтіп, қоршау алдындағы орындықта отырған 5 адамды қағып кеткен. Салдарынан екі бала мен жүкті әйел оқиға орнында көз жұмды. Тағы екі адам ауыр жарақатпен ауруханаға жеткізілді. Марқұмдардың туыстарының айтуынша көлік тізгініндегі 52 жастағы әйел мас күйде болған. Ал бұл оқиға бойынша Түркістан облысының полиция департаменті әзірге қосымша ақпарат таратқан жоқ