Армения жарналар бойынша қарызына байланысты ҰҚШҰ-да дауыс беру құқығынан айырылуы мүмкін

Ұжымдық қауіпсіздік шарты ұйымына (ҰҚШҰ) мүше елдер ұйымның бюджетіне көп жылдар бойы жарна төлемегендіктен Арменияға қарсы санкциялар қолдану мүмкіндігін қарастыруда. Бұл туралы Қазанда өткен ҰҚШҰ Сыртқы істер министрлері кеңесінің отырысының қорытындысы бойынша РФ Сыртқы істер министрі Сергей Лавров мәлімдеді, деп хабарлайды ТАСС Оның айтуынша, Ереван екі жылдан астам уақыт бойы міндетті төлемдерді төлемеген. Осыған байланысты ұйымға мүше мемлекеттер ҰҚШҰ Жарғысының 20-бабын қолдану мүмкіндігін зерделеуге ниетті Құжатқа сәйкес, борышкер мемлекет қарызы толық өтелгенге дейін ҰҚШҰ органдарында дауыс беру құқығынан және өз өкілдерін квоталық лауазымдарға ұсыну құқығынан уақытша айырылуы мүмкін. Кейбір жағдайларда жарғы елдің ұйым қызметіне қатысуын тоқтата тұруды немесе тіпті оны шығаруды көздейді Сергей Лавров Арменияның ұйымның толыққанды мүшесі болып қалуын жалғастыратынын, бірақ оның іс-шараларына ұзақ уақыт қатыспағанын атап өтті Ресей СІМ басшысы сондай-ақ Ереван өзінің болашақ сыртқы саяси бағытын – Еуропалық Одақпен қарым-қатынасты тереңдету мен Еуразиялық экономикалық одаққа (ЕАЭО) мүшелікті сақтау арасында шешім қабылдауы керек екенін айтты Бұған қоса, Лавров Армения билігін НАТО-мен ынтымақтастықты арттырып отыр деп айыптады. Оның айтуынша, Армения альянс елдерімен бірлескен оқу-жаттығулар өткізіп, қару-жарақ сатып алып, НАТО мен Еуроодақтың әскери құрылымдарымен байланыста Армения премьер-министрі Никол Пашинян бұған дейін елдің ҰҚШҰ-ға қатысуының тоқтатылуын ұйым, Ереванның пікірінше, 2022 жылы Таулы Қарабақтағы оқиғалар кезінде өз міндеттемелерін орындамағанымен түсіндірді Бұған дейін Қазақстан, Ресей, Беларусь және Қырғызстан президенттері Армения төңірегіндегі жағдайға байланысты бірлескен мәлімдемеге қол қойған болатын. Елге таңдау ұсынылады: Еуразиялық экономикалық одақта (ЕАЭО) қалу немесе Еуропалық Одаққа (ЕО) өту