Пржевальский жылқыларының тағы бір тобы Қазақстанға келді

Бұл маңызды оқиға әлемдегі жалғыз жабайы жылқы түрлерінің популяциясын қалпына келтіру және елдің биологиялық әртүрлілігін сақтау жөніндегі халықаралық жобаның маңызды кезеңі болып табылады Жануарлар Пржевальский жылқы популяциясын қалпына келтіру жөніндегі халықаралық жоба аясында Қостанай халықаралық әуежайына арнайы рейспен жеткізілді. Қажетті ветеринариялық процедуралардан кейін жылқылар арнайы көліктермен «Алтын дала» мемлекеттік табиғи резерватының реинтродукциялау орталығына жеткізілді, онда олар мамандардың бақылауымен бейімделу кезеңінен өтеді Жануарлардың келуі – Пржевальский жылқыларын Қазақстандағы тарихи мекеніне қайтару жөніндегі ауқымды бағдарламаның тағы бір қадамы. Жобаның осы кезеңі бойынша жылқылардың бірінші тобы Қазақстанға Чехиядан 2026 жылдың 1 маусымында келді Жобаны ҚР Экология және табиғи ресурстар министрлігінің Орман шаруашылығы және жануарлар дүниесі комитеті Қазақстанның биоәртүрлілігін сақтау қауымдастығы және халықаралық серіктестермен бірлесіп жүзеге асыруда Қазақстан мен Прага хайуанаттар бағы арасындағы ынтымақтастық туралы меморандумға сәйкес 2029 жылға дейін елге 40 пржевальский жылқысын әкелу көзделген. «Алтын дала» қорығына жануарлардың алғашқы топтары 2024 және 2025 жылдары келді, ал ағымдағы жылдың мамыр айында бұрын енгізілген жануарлардың бір бөлігі алғаш рет табиғатқа жіберілді Пржевальский жылқыларын қайтару Қазақстан үшін биологиялық әртүрлілікті сақтау, тарихи жоғалған жануарлар түрлерін қалпына келтіру және қоршаған ортаны қорғау саласындағы халықаралық ынтымақтастықты нығайтудағы маңызды қадам ретінде ерекше маңызға ие. Жоба сонымен қатар далалық экожүйелерді қалпына келтіруге және елдің табиғи мұраны сақтау мақсаттарына қол жеткізуге ықпал етеді Бұл биылғы айда екінші жылқы легі. Бұған дейін сирек кездесетін түрлердің популяциясын қалпына келтіру жөніндегі халықаралық жоба аясында Қазақстанға тағы бір пржевальский жылқысы келген болатын «ҚазАқпарат» агенттігінің бұдан бұрын хабарлағанындай, жойылып кету қаупі төнген түрді Орталық Азия даласындағы тарихи мекеніне қайтару жөніндегі халықаралық іс-шаралар аясында Прагадан Қазақстанға төрт Пржевальский жылқысы жеткізілді