Павлодар облысында масалардың аномальды шабуылы тіркелді

Павлодар облысының Шарбақты ауданында масалардың жаппай шығуы тіркелді, деп хабарлайды Pavlodarnews.kz Әлеуметтік желіде Шошқалы, Бозалаң, Садықащы және Шалдай ауылдарының тұрғындарының арыз-шағымдары пайда болды. Олардың айтуынша, елді мекендерге шыбын-шіркейлердің нормадан тыс саны шабуыл жасаған. Ауыл тұрғындары далаға шыға алмайды, бақшада жұмыс істей алмайды, балалармен серуендей алмайды Шағымдардан жарияланым Павлодар (@zhaloby_pavlodar) Тұрғындардың өтінішінен кейін оқиға орнына жер қойнауын пайдалану басқармасының қызметкерлері, облыстық ғылыми топ мүшелері және аудан әкімдігінің мамандары шықты. Олар жәндіктердің аномальды ұшу фактісін растады "Соңғы 2-3 күнде күрделі жағдай байқалды. Болжам бойынша орман өрттерін сөндіруге қажетті жасанды су қоймалары, сондай-ақ осы ауылдардың маңында қалыптасқан шағын жергілікті су қоймалары себеп болып отыр", - дейді мамандар Облыстық бюджеттен қаржыландырылатын залалсыздандыру жұмыстары қала мен Ертіс бойында орналасқан аудандарда жүргізіліп жатқанын түсіндірді. Өзенге шыға алмайтын жайылмалық және далалық аймақтарды өңдеу қарастырылмаған. Мұндай аймақтарға Успен, Шарбақты, Баянауыл аудандары мен Екібастұз маңындағы ауылдық аумақтар жатады. Мұнда мамандар жергілікті жерлерді ғана өңдейді Бірақ ағымдағы жағдайға байланысты 10 маусымда Шошқалы, Бозалаң, Садықащы және Шалдай ауылдарында рюкзак бүріккіштер мен ыстық тұман генераторы арқылы дезинсекциялық бөгеттерді өңдеу жұмыстары басталды. Сондай-ақ су қоймалары «бактицидпен» (масалардың дернәсілдерін жоюға арналған биологиялық препарат) өңделеді Informburo.kz сайтынан сәйкес тақырыптар бойынша жаңалықтар мен материалдар