Ақмола облысында Есіл жағасын тазалады

Ақмола облысының Аршалы ауданында «Таза Қазақстан» акциясы аясында Есіл өзенінің жағалауы қоқыстан тазартылды «Таза ел – жарқын болашақ» деп аталған экологиялық акцияға 200-ге жуық жас қатысты. Олар өзен жағалауымен қатар іргелес аумақтағы тұрмыстық қалдықтарды да жинап шықты. Игі шара Қорғалжын және Егіндікөл аудандарында да өтті. Бұл бастамалардың негізгі мақсаты — өзен экожүйесін сақтау және тұрғындардың табиғатты қорғауға деген жауапкершілігін арттыру, - дейді ұйымдастырушылар.Абай Бекбаев, Аршалы ауданы әкімнің орынбасары: Бұл мемлекет басшысының қолдауымен басталған экологиялық акция қазіргі таңда барша қазақстандықтардың экологиялық мәдениетіне айналды. Аршалы ауданының тұрғындары осы акцияға қатысып, туған өлкенің таза болуына ат салысып жүр. Әрі қарай бұл тамаша бастама өзінің жалғасын табатын болады. Себебі тазалық өз өлкеңнен, өз еліңнен, өз жеріңнен басталады