Албания президенті Қырғызстанға ресми сапармен келеді

Албания президенті Байрам Бегай Қырғызстанға ресми сапармен барады. «Ынтымақ Ордо» хабарлағандай, президент Садыр Жапаровтың шақыруымен өтетін сапар 17-19 маусымға жоспарланған «Сапар аясында Чолпон-Атада мемлекет басшылары екіжақты және көпжақты ынтымақтастықтың өзекті мәселелері бойынша келіссөздер жүргізеді, сондай-ақ экономика, ауыл шаруашылығы, туризм, көлік, цифрландыру және басқа да салалардағы ынтымақтастықты одан әрі дамыту жөнінде пікір алмасады», - делінген хабарламада Бұл Албания Президентінің Қырғызстанға алғашқы ресми сапары Байрам Бегай 16 маусымда Өзбекстанға барды. Ол Өзбекстан президенті Шавкат Мирзиеевпен келіссөздер жүргізіп, екіжақты ынтымақтастықты талқылады Албания – Балқан түбегінің оңтүстік-батысында орналасқан еуропалық мемлекет. 2,7 миллион халқы бар ел 2009 жылдан бері НАТО-ның мүшесі және Еуропалық Одаққа кіруге ресми үміткер 2024 жылы екі ел дипломатиялық және қызметтік төлқұжат иелерін визалық талаптардан босату туралы келісімге қол қойды 2025 жылы Қырғызстанның Албаниядағы елшісі Руслан Қазақбаев Тиранада бірқатар кездесулер өткізіп, экономикалық ынтымақтастықты кеңейту мүмкіндіктерін талқылады