Албанияда сан мың адам шеруге шықты

Албанияда қоқиқаздарға жанашырлық үлкен революцияға ұласып барады. Соңғы күндері Тиранада тыныштық бұзылды. Сан мың адам наразылық акциясына шықты. Ауқымды шерулер Трамптың күйеу баласы мен қызының балқандық елдің табиғатына тәнті болуынан басталған. Тақырыпты Арыстан Рысбек жалғастырады Албанияда АҚШ президенті Дональд Трамптың күйеу баласы Джаред Кушнер жоспарлаған сән-салтанатты курорт құрылысына қарсы наразылық күшейіп келеді. Мыңдаған адам ел астанасы Тирана көшелеріне шығып, үкіметтен жобаны тоқтатуды талап етті Құны 1,4 миллиард еуролық жоба Албания жағалауындағы арал мен Вьоса-Нарта атты арнайы табиғи аймаққа жақын салынбақ Айта кетсек, бұл өңір қоқиқаздар, итбалықтар және теңіз тасбақалары мекендейтін ерекше экожүйесімен танымал. Экологтардың айтуынша, алдағы құрылыс жүздеген гектар аумаққа зиян келтіруі мүмкін.Леди Сельджекай, орнитолог: Бұл курорт – ауқымды инфрақұрылымдық жоба. Мұндай құрылыс табиғатқа кері әсер етіп қана қоймай, оны жойып та жіберуі де мүмкін. Бұнда көптеген маңызды жануарлар мен құстардың түрі, соның ішінде қоқиқаздар мекендейді. Сондықтан жоба салдарын кейін міндетті түрде сезілетін боламыз. Өйткені курорт салу бір ғана ғимарат тұрғызумен шектелмейді ғой.Наразылық мамыр айының соңында құрылыс алаңының тікенекті сыммен қоршалуынан басталған. Содан бері белсенділер мен күзет қызметкерлері арасында қақтығыстар болып, бірнеше адам жараланды. Кейін қарсылық акциясы Тиранаға жетті. Ел премьер-министрі Эди Рама болса, бұл шешімді «ұят шаруа» деп атап, Күшнердің жобасын толық қолдайтынын мәлімдеді: себебі – экономикаға тиімді екен.Эди Рама, Албания премьер-министрі: Бұл жобаның жүзеге асуы немесе аспауы ешқашан талқыланған емес. Себебі ол – ел үшін үлкен мүмкіндік. Жалпы ішкі өнімі шамамен 27 миллиард еуроға енді жеткен мемлекет үшін 4 миллиард еуролық инвестиция үлкен олжа емес пе Америкалық кәсіпкер Джаред Кушнер мен оның жұбайы Иванка Трамп бірнеше жыл бұрын яхтамен саяхаттап жүріп, Албанияға аялдап, балқандық республиканың табиғатына тәнті болды. Өздері айтқандай, сол ғашықтық демалыс орнын салу идеясына ұласыпты. Бірақ албаниялықтар шетелдік инвесторлар жасақтаған жоспардың жемқорлықтан ада екеніне күмән келтіріп, Рамадан орнын босату талап ете бастады. Бұл қозғалыс кейінгі күндері «Қоқиқаз революциясы» деп аталып жүр