АҚШ пен Иран арасында ымыраға келуге жақын екені хабарланды

АҚШ пен Иран келісімге қол қоюға жақын. Бұл туралы Bloomberg және CBS News G7 елдерінің жоғары лауазымды шенеуніктері мен өкілдеріне сүйене отырып хабарлады Ақпарат көздерінің хабарлауынша, құжат өзара түсіністік туралы меморандум түрінде ресімделеді Bloomberg сұхбат берушілерінің бірі Теһранның соңғы мақұлдауы әлі алынбағанымен, оған жексенбі күні Женевада немесе Францияның Эвиан қаласында өтетін халықаралық кездесулерде қол қоюға болатынын айтты АҚШ президенті Дональд Трамп осы аптаның соңында Еуропа елдерінде Иранмен бейбіт келісімге қол қойылуы мүмкін екенін мәлімдеген болатын Axios хабарлағандай, меморандум мәтіні қазірдің өзінде келісілген, бірақ тараптардың түпкілікті мақұлдауын талап етеді. Құжат жобасына сәйкес, Иран ядролық қаруға ұмтылмауға және байытылған уран қорын реттеуге міндеттенеді. Оның орнына АҚШ санкцияларды жеңілдетіп, экономикалық ынтымақтастықты қалпына келтіруді қарастыруы мүмкін Сондай-ақ құжат Ормуз бұғазын халықаралық жүк қатынасына қосымша төлемсіз ашуды және қозғалысты кезең-кезеңмен соғысқа дейінгі деңгейге келтіруді қарастырады. Бұған жауап ретінде Вашингтон Иран порттарының қоршауын алып тастауға мәжбүр болады. Bloomberg агенттігінің хабарлауынша, меморандумға қол қою АҚШ пен Иранның жан-жақты келісім бойынша 60 күндік келіссөздер кезеңін ашатын процестегі алғашқы қадам ғана