Астана әкімдігі Шортанды маңында екінші әуежайдың орналасқаны туралы ақпаратты жоққа шығарды

Қала әкімдігі атап өткендей, жарияланған ақпарат шындыққа сәйкес келмейді Атап айтқанда, екінші әуежай елордадан солтүстік-батыс бағытта – Астана-Көкшетау тас жолының бойында Шортанды ауылы ауданында орналасуы мүмкін екені хабарланды. Алайда бұл аумақ елорданың әкімшілік шекарасына кірмейді, сондықтан Астана қаласының Бас жоспарында ескерілмейді Әкімдік бүгінге дейін екінші әуежайдың орналасуына қатысты түпкілікті шешім қабылданбағанын баса айтты. Елорданың Бас жоспарын түзету шеңберінде жаңа әуе айлағын салу мүмкіндігі бар перспективалы аймақтар ғана қарастырылған Мәслихат депутаттары Астана қаласының 2035 жылға дейінгі Бас жоспарына өзгерістер мен толықтырулар енгізу жобасын мақұлдағаннан кейін құжат Қазақстан Республикасының Үкіметіне бекітуге жіберіледі Қала билігі БАҚ өкілдері мен әлеуметтік желі қолданушыларын тек ресми және тексерілген ақпаратты басшылыққа алуға шақырды Осы мәселе бойынша түсініктеме алу үшін Астана қаласының Сәулет, қала құрылысы және жер қатынастары басқармасына хабарласуға болады Еске салайық, 2025 жылы Астананы дамыту мәселелеріне арналған кеңесте Президент Қасым-Жомарт Тоқаев қаланың көліктік-транзиттік әлеуетін арттыру үшін жаңа әуежай салу мүмкіндігін қарастыру қажет екенін атап өткен болатын Бұған дейін Астана әкімі Жеңіс Қасымбек Бас жоспарға қосымша әуежай салынатын жағдайда бірнеше перспективалық бағыт енгізілгенін хабарлаған болатын