Батыс Қазақстан облысының әкімі Ляонин провинциясының басшылығымен кездесті

Тараптар екі мемлекет басшыларының жетекшілігімен дамып келе жатқан Қазақстан мен Қытай арасындағы стратегиялық әріптестік пен жан-жақты ынтымақтастықтың жоғары деңгейін атап өтті. Бүгінде өңіраралық байланыстар, соның ішінде сауда-экономикалық және мәдени-гуманитарлық өзара іс-қимыл сапалы жаңа деңгейге көтерілуде Сюй Куньлин Батыс Қазақстан облысының әкіміне шақыруды қабыл алғаны үшін алғысын білдірді. Ол өткен жылы Цзянсу провинциясында басталған танысу мен өзара іс-қимыл қазірдің өзінде нақты нәтижелер беріп жатқанын атап өтіп, серіктестік алдағы уақытта да қарқынды және ұзақ мерзімді негізде дами беретініне сенім білдірді Өз кезегінде облыс әкімі Нариман Төреғалиев Мемлекет басшысы Қасым-Жомарт Тоқаевтың тапсырмасына сәйкес өңірде тікелей шетелдік инвестицияларды тарту және инвестициялық тартымдылықты арттыру бағытында ауқымды жұмыстар жүргізіліп жатқанын баса айтты — Бүгінде Батыс Қазақстан облысы мен Қытай Халық Республикасы арасындағы стратегиялық әріптестік айтарлықтай нығая түсті. 2025 жылдың соңында облысымыз бен Қытай арасындағы сыртқы сауда айналымының көлемі 175 миллион АҚШ долларын құрап, 2024 жылмен салыстырғанда 1,5 есеге өсті.Сіз Цзянсу провинциясының халық үкіметінің төрағасы қызметін атқарған кезде біз жиын өткізіп, бірнеше салада бірқатар келісімдерге қол жеткіздік. Осы келісімдер аясында қазірдің өзінде нақты жобалар жүзеге асырылуда. Жақын арада Ляонин провинциясымен тұрақты байланыс нығая түсетініне сенімдімін», - деді Нариман Төреғалиев Сондай-ақ аймақ басшысы Батыс Қазақстан облысының логистикалық әлеуеті мен инвесторларға жасалған қолайлы жағдайға тоқталып, олардың бірлескен жобаларды жүзеге асыруға дайын екендіктерін қуаттады