БҚО әкімі Нариман Төреғалиев Ляонин провинциясының губернаторы Ван Синвэймен кездесті

40 миллионнан астам халқы бар Ляонин провинциясының өнеркәсіптік әлеуеті жоғары және мұнай-газ саласында айтарлықтай тәжірибесі бар. Бұл бағыттардың Батыс Қазақстан облысы үшін стратегиялық маңызы бар. Сонымен қатар, екі өңірдің де ауыл шаруашылығы саласын дамытуға мүмкіндіктері ұқсас, деп атап өтті БҚО әкімдігі Нариман Төреғалиев Қазақстан-Қытай қарым-қатынасының «алтын 30 жылдығы» аясында өңіраралық ынтымақтастық сапалы жаңа деңгейге көтерілетініне сенім білдірді. Облыс әкімі екі мемлекет басшыларының басшылығымен Қазақстан мен Қытай арасындағы стратегиялық әріптестік нығайып, жаңа мазмұнмен толығып келе жатқанын атап өтті — Қазақстан Республикасының Президенті Қасым-Жомарт Кемелұлы Тоқаевтың тапсырмасы бойынша біз мүдделі компаниялар үшін жаңа мүмкіндіктер жасай отырып, өңірдегі инвестициялық ахуалды жақсартуды жалғастырудамыз. Қытайлық инвесторлармен бірлесе отырып, сұйық метанол өндіретін зауыт, цемент зауыты, газ турбиналы және жел электр стансаларын салу жобалары, басқа да бірқатар маңызды бастамалар жүзеге асырылуда. Жұмыс орындарын ашып, өндірісті дамытуға дайын инвесторлар үшін арнайы экономикалық аймақ бар», - деді Нариман Төреғалиев Өз кезегінде Ляонин провинциясының губернаторы Ван Синвэй аймақаралық ынтымақтастықты одан әрі дамытуға мүдделі екенін растады — ҚХР Төрағасы Си Цзиньпин Қытай мен Қазақстан арасындағы стратегиялық әріптестік өзара сенімге негізделгенін үнемі атап өтеді. Соңғы жылдары Ляонин провинциясы мен Қазақстан арасындағы байланыс айтарлықтай нығая түсті. Өткен жылы екіжақты сауда көлемі 2,7 миллиард юаньға жетті. Сіздің халықаралық бауырлас қалалар форумына қатысуыңыз ортақ мақсаттарға жетуге деген шынайы ұмтылысты көрсетеді», - деді Ван Синвэй Сондай-ақ Қытай тарапы достық байланыстарды одан әрі нығайтып, өндірістік ынтымақтастықты дамытуға ғана емес, Қытай мен Қазақстанның мәдениет жылы аясында мәдени-гуманитарлық ынтымақтастықты кеңейтуге де қызығушылық танытты. Іс-шара Қазақстан Республикасының Қытай Халық Республикасындағы Елшілігінің көмегімен ұйымдастырылды