ЕО-ның Қазақстан экономикасына салған инвестициясы 200 миллиард доллардан асты

Еуропалық Одақтың Қазақстан экономикасына салған инвестициясының жалпы көлемі 200 миллиард доллардан асты Бұл туралы «Қазақстан-ЕО» диалогтық платформасының 19-шы отырысында Премьер-Министр Олжас Бектенов мәлім етті, деп хабарлайды ҚазАқпарат ҚР үкіметінің баспасөз қызметіне сілтеме жасап Үкіметтің мәліметінше, қазіргі уақытта Қазақстанның сыртқы саудасының 30 пайыздан астамы Еуроодақ елдеріне түседі Өткен жылдың қорытындысы бойынша Қазақстанның ЕО елдерімен тауар айналымы 45,2 млрд долларды құрады. Биылғы жылдың төрт айында өзара сауда көлемі 12,4 миллиард долларға жетіп, Қазақстанның экспорты 9,27 миллиард долларды құрады О.Бектенов Қазақстан энергетикалық қауіпсіздік, өнеркәсіптік ынтымақтастық және көлік қатынастарын дамыту мәселелері бойынша ЕО-ның сенімді және болжамды серіктесі болып қала беретінін атап өтті Кездесу барысында инвестициялық орта, техникалық стандарттар мен реттеу тәсілдерін үйлестіру, кедендік әкімшілендіру және геологиялық барлау, маңызды пайдалы қазбалар саласындағы ынтымақтастықты кеңейту мәселелері талқыланды Кездесуге Еуропа елдерінің дипломатиялық миссияларының басшылары, ірі халықаралық бизнес қауымдастықтары мен компания өкілдері қатысты 2026 © AZERTAC. Авторлық құқық қорғалған. Ақпаратты пайдалану гиперсілтеме арқылы көрсетілуі керек