Алматы әуежайы жаңбыр кезінде терминалды су басып қалғаны үшін жауапкершілікке тартылды

Алматы халықаралық әуежайы 3 мамырда болған терминал шатырын су басып кету оқиғасына байланысты Әкімшілік құқық бұзушылық туралы кодекске сәйкес әкімшілік жауапкершілікке тартылды. Бұл туралы Азаматтық авиация комитетінің баспасөз қызметі хабарлады Баспасөз хабарламасында Көлік министрлігі басшылығы құқық қорғау органдарымен бірге Алматы әуежайының әкімшілігімен шұғыл кеңес өткізгені айтылған Әуежай басшысы әуежайдың техникалық мәселелер жөніндегі аға вице-президенті Мехмет Гүзелді тәртіптік жазаға тартатынын хабарлады "Әуежай туындаған қолайсыздықтар үшін жолаушылардан кешірім сұрады. Қазіргі уақытта анықталған кемшіліктерді жою шаралары күшейтілді, барлық қажетті жұмыстар жедел жүргізілуде. Жұмыстарды аяқтау және су басу себептерін 6 ай ішінде толық жою жоспарлануда", - делінген Алматы әуежайының баспасөз хабарламасында Көлік министрлігі азаматтық авиация саласындағы заңнама талаптарының сақталуын және авиациялық инфрақұрылым объектілерінің үздіксіз жұмыс істеуін қатаң бақылауды қамтамасыз ете отырып, мұндай бұзушылықтардың дереу жолын кесетінін атап өтті 3 мамырда Алматы әуежайының жаңа терминалын жаңбыр су басты. Шатырдан ғимаратқа ағып жатқан су инспекция мен паспорттық бақылау аймағын басып кеткен. Қызметкерлер кіреберістерді жауып, бетін тазалауға кірісті. Содан кейін әуежай жаңбырдың салдары шамамен жарты сағатта жойылғанын және жағдайдың ұшу кестесіне әсер етпегенін хабарлады Алматы әуежайы Қазақстандағы ең үлкен әуежай. 2021 жылдың сәуір айынан бастап әуе айлағын сатып алған түрік TAV Airports холдингіне тиесілі Azattyk Asia © 2026 Азаттық радиосы, Inc. | Барлық құқықтар қорғалған