Аграрлық секторда 650 млн доллар: Берік Асылов түрік инвесторымен кездесу өткізді

Компания жеті түрлі салада жұмыс істейтін және 7,5 мың қызметкерді біріктіретін түрік «Alarko Holding A.S.» еншілес кәсіпорны болып табылады Әңгімелесу барысында инвестор Шымкентте жалпы инвестиция көлемі 650 млн АҚШ долларын құрайтын заманауи жылыжай кешенін салу және пайдалану жобасымен таныстырды Жоба жыл бойы көкөніс өндіруге бағытталған және жоғары әлеуметтік-экономикалық әлеуетке ие: жаңа жұмыс орындарын құруға, озық агротехнологияларды енгізуге және елдің азық-түлік қауіпсіздігін нығайтуға мүмкіндік береді Тараптар сондай-ақ шетелдік экспорттаушылардың нарыққа оңайлатылған қолжетімділігі жағдайында отандық ауыл шаруашылығы тауарын өндірушілер үшін туындайтын экономикалық тәуекелдерді талқылады Инвестор Бас прокуратураның Инвесторлардың құқықтарын қорғау комитетімен және барлық кезеңде жобаларды қолдауды жүзеге асыратын аумақтық прокуратура органдарымен өзара іс-қимылдың оң тәжірибесін атап өтті Берік Асылов инвесторлардың құқықтарын қорғау абсолютті басымдық болып қала беретінін атап өтті. Комитет бизнестің өтініштеріне жедел жауап беруді, құқықтық қолдауды және әкімшілік кедергілерді жоюды қамтамасыз етеді Бас Прокурордың айтуынша, проактивті қадағалау және цифрлық тәуекел мониторингі тетіктерін енгізу Қазақстанда тұрақты және болжамды инвестициялық ортаны қалыптастырады Отырыс қорытындысы бойынша инвестор көтерген мәселелерді мемлекеттік органдармен бірлесіп зерделеп, бизнес пен ұлттық экономика мүдделерінің теңгерімін қамтамасыз ететін жүйелі шешімдерді әзірлеу тапсырылды