6 жастағы бүлдіршіннің денесі Сырдариядан табылды

Қызылордада үш күн бұрын жоғалып кеткен 6 жасар қыз баланың денесі Сырдариядан табылды. Қайғылы оқиғаның мән-жайын полиция департаменті анықтап жатыр. Бүлдіршіннің үйі өзен жағалауына жақын орналасқан. Көшеде ойнап жүрген кішкентай қыздың дария бөгетіне қарай кетіп бара жатқаны сол маңдағы кәсіпкерлік нысанның бейнебақылау камерасына түсіп қалған. Іздестіру жұмыстары үш күн бойы су айдыны мен өзен жағалауында қатар жүрді. Өкінішке қарай балақайдың денесін құтқарушылар қаладан 20-30 шақырым жердегі «Айтек» су торабынан тапты. Қайғылы оқиға қатысты полиция департаменті мүрдеден ешқандай зорлық-зомбылық белгілері анықталмағанын мәлімдеді Бекболат Әбдіқадыров, облыстық ТЖД бастығының орынбасары:Жалпы іздестіру жұмыстарына 495 адам жұмылдырылып, 17 техника, үш қайық одан басқа үш кинологиялық топтар қатысты. Жетінші маусым сағат 10:41-де қыздың денесі табылды. Жарақат ештеңе көрген жоқпыз