500 мың адамның қарызы кешіріледі

500 мың адамның қарызы кешіріледі. Ел тарихында тұңғыш рет әкімшілік рақымшылық жарияланбақ. Мәжіліс депутаттары бүгін осы мәселеге қатысты заң жобасын бірінші оқылымда мақұлдады. Құжатқа сәйкес, қоғамға үлкен қауіп төндірмейтін қылмыстық құқықбұзушылықтарға да амнистия жасау көзделіп отыр. Ал бұл кеңшілікке кімдер ілігеді? Ернұр Медет баяндайды Әкімшілік рақымшылық – тәуелсіз Қазақстан тарихындағы, тіпті ТМД елдері арасындағы тұңғыш тәжірибе. Заң күшіне енсе, биыл 17 наурызға дейінгі төленбеген айыппұлдардың бір бөлігі автоматты түрде жойылады. Соның арқасында жалпы сомасы 17 миллиард теңгеден асатын, 500 мың адамның айыппұлы кешірілмек Санжар Әділов, Ішкі істер министрінің орынбасары: Мемлекет осылайша жылдар бойы қордаланған берешектің салдарынан шоты бұғатталып, түрлі шектеуге тап болған азаматтарға жаңа мүмкіндік бермек. Депутаттардың сөзінше, бұл гуманистік бағытты ұстанған мемлекетттерге тән құбылыс Нұрсұлтан Байтілес, ҚР Парламенті Мәжілісінің депутаты: 15 мыңнан аса сотталушыға рақымшылық жасалады Жалпы еліміз еңсесін тіктегелі 11-рет жарияланып отырған рақымшылық акциясы бұл. Құжатқа сәйкес, құқықбұзушылық салдарынан ешкім зардап шекпесе немесе келтірілген шығын толық өтелсе, ауырлығы төмен және орташа қылмыс жасағандарды жауапкершіліктен босату қарастырылған. Ал жемқорлық, терроризм, экстремизм, азаптау, адам өлтіру және жыныстық зорлық-зомбылық секілді аса ауыр қылмысқа қатысы барлар амнистияға ілікпейді Абай Қайырбеков, Ішкі істер министрінің орынбасары: Түзеу мекемесіне адамдар түрлі жолмен аяқ басады. Темір тордың ар жағын көрген жандардың қоғам үшін қаншалықты қауіпсіз екені көпті алаңдататыны рас. Алайда депутат Абзал Құспан рақымшылыққа іліккендердің қайта қылмыс жасау деңгейі төмен екенін алға тартты Абзал Құспан, ҚР Парламенті Мәжілісінің депутаты: Рақымшылық – қателескенді ығыстыру емес, түзелгенді қоғам қатарына қайта қосу амалы. Кеңшілікке іліккендер жаза жеңілдегенмен, жауапкершілік жүгі ауырлай түсетінін сезінетіні анық. Осылайша, заң дейтін тәртіп таразысында бұл жолы әділет пен ізгілік тең түсіп отыр