Төрт аптада 391 ҰБТ ережесін бұзу анықталды – ҚР Ғылым министрлігі

— Төртінші аптаның қорытындысы бойынша үміткерлердің 67 пайызы шекті баллға қол жеткізді. Бес пән бойынша орташа балл 64 баллды құрады. Ең жоғары нәтиже – 140 ұпай, оны Павлодар облысынан Әсет Альтаир жинады. Ерекше білім беруді қажет ететін талапкерлер үшін қолайлы жағдай жасауға ерекше көңіл бөлінеді. ҰБТ-ға арнайы білімі бар 556 талапкер қатысты, деп хабарлады ҚР Білім және ғылым министрлігі Сондай-ақ үміткерлер тестілеу аяқталғаннан кейін 30 минут ішінде тест тапсырмаларының мазмұнына апелляциялық шағым беруге құқылы. Техникалық себептер бойынша өтініштер тестілеу кезінде тікелей қабылданады. Нәтижесі бар анықтамалар өтініштер қаралған соң жеке кабинетте қолжетімді болады Министрліктің мәліметінше, ҰБТ-ның төрт аптасында 391 ереже бұзушылық анықталған. 246 талапкер смартфон, смарт көзілдірік, құлаққап, парақ және басқа да тыйым салынған заттарды әкелуге әрекеттенгені үшін тестілеуден шеттетілді. Тестілеу кезінде ереже бұзғаны үшін тағы 145 адам аудиториядан шығарылып, нәтижелері жойылды. Жалған адамдарды анықтау фактілері жоқ ҰБТ-2026 аяқталғаннан кейін күнтізбелік жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану немесе ережелерді бұзу фактілері анықталса, ҰБТ нәтижелері жойылады «Тестілеуге қатысуға 240 мыңға жуық талапкер өтініш білдірсе, екі талпынысты есепке алғанда 446 мыңнан астам өтініш қабылданды», - деп атап өтті ведомстводан ҰБТ-ның үш аптасында 280-нен астам ереже бұзу фактісі тіркелгені бұған дейін хабарланған болатын. Естеріңізге сала кетейік, ғылым және жоғары білім министрі Саясат Нұрбек депутаттың ҰБТ-да ең жоғары 140 балл жинаған түлектерді академиялық адалдығы бойынша қайта тексеру туралы ұсынысына қатысты пікір білдірді