360 миллион доллар инвестиция: Синьцзян Лихуа Тоқаевқа мақта кластерінің мәліметтерін ұсынды

Кездесу барысында толық өндірістік циклі бар тік интеграцияланған мақта-тоқыма кластерін құру жобасын іске асыруға қатысты мәселелер талқыланды Мемлекет басшысына жобаның импортқа тәуелділікті айтарлықтай төмендетіп, ішкі нарықты бәсекеге қабілетті отандық өніммен қамтамасыз етуге мүмкіндік беретіні айтылды Шыңжаң Лихуа басшысы Қасым-Жомарт Тоқаевқа бірқатар нысандар іске қосылғанын, оның ішінде екі мақта өңдеу зауыты барын айтты Алдағы жылдары тоқыма емес мата, үй тоқыма бұйымдарын және киім-кешек шығаратын кәсіпорындарды іске қосу жоспарлануда Жобаны жүзеге асыру инновациялық цифрлық технологиялар мен тамшылатып суару әдісін қолдану арқылы мақта егіс көлемін 52 мың гектарға дейін кеңейтуге мүмкіндік береді Жобаның бірінші кезеңінде мақта кластеріне тікелей шетелдік инвестиция көлемі шамамен 360 миллион долларды құрап, 4 мыңнан астам жұмыс орнын құру жоспарлануда Мемлекет басшысы еліміздің оңтүстік өңірінде агроөнеркәсіптік кешен мен жеңіл өнеркәсіпті дамыту үшін кластердің маңыздылығын атап өтті Оның пікірінше, компания қызметінің маңызды бағыты – білікті жергілікті кадрларды дайындау Президент суды үнемдейтін технологияларды кеңінен қолдану қажеттігіне назар аударды, сондай-ақ мақта өсірудің жоғары ресурс сыйымдылығын ескере отырып, «ақылды» цифрлық шешімдер мен жасанды интеллектті енгізуді қолдады Бұған дейін БҰҰ Бас хатшысының климаттың өзгеруі жөніндегі бұрынғы кеңесшісі, Бейбітшілік бойынша Нобель сыйлығының лауреаты Рае Квон Чунг ҚазАқпарат тілшісіне берген эксклюзивті сұхбатында Қазақстан Louis Vuitton және Gucci компанияларын көміртегісіз мақта жеткізе алады деген пікірімен бөліскен болатын