Астанада өткен InnovArt фестивалінде 240-тан астам мектеп оқушылары өз жұмыстарын ұсынды

Шығармашылық алаң еліміздің әр өңірінен 240-тан астам студенттің басын қосты. Қатысушылар музыкалық, әлеуметтік бейне, құм анимациясы (Sand Art) және сәндік-қолданбалы өнер салаларында өз жұмыстарын ұсынды — Шара барысында технологияның және жасанды интеллекттің қарқынды дамуы жағдайында балалардың шығармашылық әлеуетін дамыту ерекше маңызға ие екені атап өтілді. Заманауи білім беру тек сапалы білім беріп қана қоймай, әр баланың қабілетін ашуға, шығармашылық ойлауын дамытуға және өзін-өзі жүзеге асыруға жағдай жасауы керек. Фестиваль аясында мектеп оқушылары музыкалық сахналық қойылымдар, түпнұсқа бейнежұмыстар, құм анимациясының туындылары мен ұлттық қолөнер дәстүрінде жасалған бұйымдарды ұсынды. Қатысушылардың жұмыстары жастардың мәдени құндылықтарын, шығармашылығы мен заманауи көзқарастарын бейнеледі, деп атап өтті министрлік Фестиваль соңында үздік қатысушылар мен шығармашылық ұжымдар түрлі номинациялар бойынша марапатталды Білім министрлігі атап өткендей, дарынды балаларды қолдау және олардың жан-жақты дамуына мүмкіндіктер жасау білім беру саласындағы мемлекеттік саясаттың басым бағыттарының бірі болып қала береді Естеріңізге сала кетейік, Астанада Cirque du Soleil-тен OVO шоуының премьерасы өтті. Бұған дейін Польша мектебінде Қазақстанның мәдениеті мен Димаш Құдайбергеннің шығармашылығы таныстырылғаны хабарланған болатын