Қостанай облысында 23 білім қызметкеріне өтемақы төленді

Облыстық прокуратурадан хабарлағандай, қадағалау іс-шаралары барысында білім беру ұйымдарының қызметкерлері жұмыстан босатылған кезде оларға заңда көзделген өтемақы төлемдері есептелмегені және төленбегені анықталды Прокурорлық қадағалау актісімен бұрынғы 23 қызметкердің еңбек құқықтарының бұзылуы жойылды. Оларға жалпы сомасы 150 мың теңге өтемақы төленді Сондай-ақ, прокуратура органдарының қаулылары бойынша еңбекақы төлеу туралы заңнама талаптарын бұзғаны үшін әкімшілік құқық бұзушылық туралы істер қозғалды. Нәтижесінде тоғыз білім беру ұйымының басшысы әкімшілік жауапкершілікке тартылды. Салынған айыппұлдың жалпы сомасы 800 мың теңгеден асты, олар толығымен төленді Прокуратурамен мектепке дейінгі мекемелерді жөндеуге жұмсалатын шығындарды анықтау кезінде аудандық білім бөлімінің қызметінде бюджеттік заңнаманың бұзылуы да анықталды Тексеру актісі бойынша заң бұзушылықтар жойылды, бюджет шығынына жол берілмеді. Аудандық білім бөлімінің басшысымен қоса он лауазымды тұлға тәртіптік жауапкершілікке тартылды Бұған дейін Қостанай қалалық білім бөлімінің басшысы бюджет қаражатын жымқырды деген күдікпен қамауға алынғаны хабарланған болатын